اس قدر کون محبّت کا صِلہ دیتا ہے
اُس کا بندہ ہوں جو بندے کو خدا دیتا ہے
Is qadar kaun mohabbat ka sila deta hai
Us ka banda hoon jo banday ko Khuda deta hai
جب اُترتی ہے مِری رُوح میں عظمت اُس کی
مجھ کو مسجوُد ملائک کا بنا دیتا ہے
Jab utarti hai meri rooh mein azmat us ki
Mujh ko masjood malaa’ik ka bana deta hai
رہنمائی کے یہ تیور ہیں کہ مجھ میں بَس کر
وہ مجھے میرے ہی جوہر کا پتا دیتا ہے
Rehnumaee ke yeh tewar hain ke mujh mein bas kar
Woh mujhe mere hi johar ka pata deta hai
اُس کے ارشاد سے مجھ پر مِرے اَسرار کُھلے
کہ وہ ہر لفظ میں آئینہ دِکھا دیتا ہے
Us ke irshaad se mujh par mere asraar khulay
Ke woh har lafz mein aaeena dikha deta hai
ظُلمتِ دہر میں جب بھی میں پُکاروں اُس کو
وہ مِرے قلب کی قندیل جلا دیتا ہے
Zulmat-e-dehr mein jab bhi main pukaaroon us ko
Woh mere qalb ki qandeel jala deta hai
اُس کی رحمت کی بھلا آخری حد کیا ہو گی
دوست کی طرح جو دُشمن کو دعا دیتا ہے
Us ki rehmat ki bhala aakhri hadd kya ho gi
Dost ki tarah jo dushman ko duaa deta hai
وہی نِمٹے گا مِری فِکر کے سناٹوں سے
بُت کدوں کو جو اَذانوں سے بسا دیتا ہے
Wohi nimtay ga meri fikr ke sanaton se
But-kadon ko jo azaanon se basa deta hai
وہی سرسبز کرے گا مِرے ویرانوں کو
آندھیوں کو بھی جو کردارِ صبا دیتا ہے
Wohi sarsabz kare ga mere veerano ko
Aandhiyon ko bhi jo kirdaar-e-saba deta hai
فن کی تخلیق کے لمحوں میں، تصوّر اُس کا
روشنی میرے خیالوں میں مِلا دیتا ہے
Fun ki takhleeq ke lamhon mein, tasawwur us ka
Roshni mere khayalon mein mila deta hai
قصر و ایواں سے گُزر جاتا ہے چُپ چاپ ندیم
دَر محمد کا جب آئے تو صدا دیتا ہے
Qasr o aiwan se guzar jata hai chup chaap nadeem
Dar-e-Mohammad ka jab aaye to sada deta hai
Share This Naat
Share with friends and family
اس قدر کون محبّت کا صِلہ دیتا ہے
احمد ندیم قاسمی