عجز و آدابِ محبت کا جو حامل نہیں ہے
لفظ وہ بارگہِ نعت کے قابل نہیں ہے
Ajz o aadaab-e muhabbat ka jo haamil nahi hai
Lafz woh baargaah-e naat ke qabil nahi hai
خلد میں جائیں گے آقا کی زیارت کے لئے
خلد اک جادۂ مقصود ہے منزل نہیں ہے
Khald mein jaayein ge aaqa ki ziyaarat ke liye
Khald ek jaada-e maqsud hai manzil nahi hai
بے قراری ہی رگِ جاں میں کرے گی گردش
الفتِ شاہ اگر خون میں شامل نہیں ہے
Beqaraari hi rag-e jaan mein kare gi gardish
Ulfat-e shaah agar khoon mein shaamil nahi hai
مثلِ دف جس کو دھڑکنے کا سلیقہ نہ ملے
پارۂ سنگِ اکارت ہے مگر دل نہیں ہے
Misl-e daf jis ko dharakne ka saleeqa na mile
Paara-e sang-e akaarat hai magar dil nahi hai
کچھ نئے پھول عقیدت کے اگاتے رہنا
نعت بوسیدہ روایات کی قائل نہیں ہے
Kuch naye phool aqeedat ke ugaate rehna
Naat boseeda riwaayaat ki qaail nahi hai
ساقیٔ کوثر و تسنیم کی چشمِ رحمت
وہ سمندر ہے کہ جس کا کوئی ساحل نہیں ہے
Saaqi-e kausar o tasneem ki chashm-e rehmat
Woh samandar hai ke jis ka koi saahil nahi hai
ہر گھڑی فکرِ معیشت میں گرفتار صحیح
دل مگر سیدِ ابرار سے غافل نہیں ہے
Har ghari fikr-e maeeshat mein giraftaar sahi
Dil magar syed-e abraar se ghaafil nahi hai
سیرتِ سیدِ کونین کو رہبر کر لو
راستہ خطۂ فردوس کا مشکل نہیں ہے
Seerat-e syed-e kaunain ko rahbar kar lo
Raasta khitta-e firdaus ka mushkil nahi hai
خواب میں بھی نہیں دیکھے گا وہ خوشیاں ناعت
غم حسین ابنِ علی کا جسے حاصل نہیں ہے
Khaab mein bhi nahi dekhe ga woh khushiyan naat
Gham-e Hussain Ibn-e Ali ka jise haasil nahi hai
Share This Naat
Share with friends and family
عجز و آدابِ محبت کا جو حامل نہیں ہے
اشفاق احمد غوری