عجز کو عرش تک رسائی دوں
اور تجھ کو تری دُہائی دوں
Ajz ko arsh tak rasai doon
Aur tuj ko teri duhai doon
تیرے اوصاف حرزِ جاں کر کے
نفس کو درسِ پارسائی دوں
Tere ausaf harz-e-jaan kar ke
Nafs ko dars-e-parsai doon
قلب کو ذکر سے کروں روشن
فکر کو شِرک سے رہائی دوں
Qalb ko zikr se karun roshan
Fikr ko shirk se rahai doon
تو مری ذات کو صفات بنا
میں انہیں تابِ خود نمائی دوں
Tu meri zaat ko sifat bana
Main inhein taab-e-khud namai doon
تو مجھے صرف اپنی چاہت دے
میں ترے نام پر خدائی دوں
Tu mujhe sirf apni chahat de
Main tere naam par khudai doon
ہر بُنِ مُو سے نام لوں تیرا
فرش سے عرش تک سنائی دوں
Har bun-e-moo se naam loon tera
Farsh se arsh tak sanai doon
تو ہے لیکن کسے مجالِ نظر؟
میں نہیں ہوں تو کیا دکھائی دوں؟
Tu hai lekin kise majal-e-nazar?
Main nahi hoon to kya dikhai doon?
Share This Naat
Share with friends and family
عجز کو عرش تک رسائی دوں
حنیف اسعدی