Manqabat
ابنِ حیدر کی طرح پاسِ وفا کس نے کیا ؟
ابنِ حیدر کی طرح پاسِ وفا کس نے کیا ؟
زیرِ خنجر آخری سجدہ ادا کس نے کیا ؟
Ibn-e-Haider ki tarah pas-e-Wafa kis ne kya?
Zair-e-Khanjar aakhri sajda ada kis ne kya?
حق جو تعلیمِ نبی ؐ کا تھا ، ادا کس نے کیا؟
آدمی کو آدمیّت آشنا کس نے کیا ؟
Haq jo taleem-e-Nabi (SAW) ka tha, ada kis ne kya?
Aadmi ko adamiyat aashna kis ne kya?
رازِ سر بستہ تھے ایثار و رِضا و صبر و شکر
حل یہ عُقدہ آلِ زہرا کے سِوا کس نے کیا ؟
Raaz-e-sarbasta thay eesaar o Riza o sabr o shukar
Hal ye uqda Aal-e-Zahra ke siwa kis ne kya?
خون سے کس کے ہوئی تاریخِ عالَم تابناک
سرزمینِ نینوا کو ، کربلا کس نے کیا ؟
Khoon se kis ke hui tareekh-e-alam taabnaak
Sarzameen-e-Nainawa ko, Karbala kis ne kya?
کربلا میں جو ہُوا وہ اے یزیدِ بد سِیَر
بے خطا تُو ہے ، تو پھر جو کچھ کیا ، کس نے کیا ؟
Karbala mein jo hua wo aye Yazid-e-bad-sir
Be-khata tu hai, to phir jo kuch kya, kis ne kya?
کوئی تھا جس نے کیا سِبطِ پیمبرؐ کا لحاظ ؟
احترامِ نسبتِ خیرؐ الورٰی کس نے کیا؟
Koi tha jis ne kya sibt-e-Paighambar (SAW) ka lehaaz?
Ehtiraam-e-nisbat-e-Khair-ul-wara (SAW) kis ne kya?
مضطرب کیوں ہوں عزادارانِ اولادِ رسولؐ!
حشر میں کھُل جائے گے یہ بات ، کیا کس نے کیا ؟
Muztarib kyon hun azadaran-e-aulad-e-Rasool (SAW)!
Hashr mein khul jaye gi ye baat, kya kis ne kya?
شِمرِ ذی الجوشن ، یزیدِ بد گُہَر ، ابنِ زیاد
جورِ بے جا اِن لعینوں کے سِوا کس نے کیا ؟
Shimr-e-Zee aljoshan, Yazid-e-bad-guhar, Ibn-e-Ziyad
Jor-e-be ja in la'eenon ke siwa kis ne kya?
گونگے بہرے بن گئے اتمامِ حُجّت پر عَدُو
آپ جو چاہا کیا ، اُس کا کہا ، کس نے کیا ؟
Gonge Bahre ban gaye itmam-e-hujjat par adu
Aap jo chaha kya, us ka kaha, kis ne kya?
حشر یہ برپا ہُوا کس کے اشاروں پر یزید!
آلِ زہرا پر ستم اے بے حیا ! کس نے کیا ؟
Hashr ye barpa hua kis ke isharon par, Yazid!
Aal-e-Zehra par sitam aye be haya! kis ne kya?
یہ حقیقت منکشف ہے ساری دُنیا پر نصیؔر ؔ!
کربلا میں جو ہُوا ، کس نے کہا ، کس نے کیا ؟
Ye haqeeqat munakshif hai sari duniya par Naseer!
Karbala mein jo hua, kis ne kaha, kis ne kya?
Share This Naat
Share with friends and family
ابنِ حیدر کی طرح پاسِ وفا کس نے کیا ؟
سید نصیرالدیں نصیر