حضور اپنے کرم کے حصار میں رکھنا
دیار نور کے قرب و جوار میں رکھنا
Hazoor apne karam ke hisar mein rakhna
Dayar noor ke qurb o jawar mein rakhna
جئیوں تو گنبد خضری کے سائے میں آقا
میں مر بھی جاؤں تو اپنے دیار میں رکھنا
Jeeyoon to gumbad e khizra ke saye mein Aaqa
Main mar bhi jaoon to apne dayar mein rakhna
جب آپ اپنے غلاموں کو یاد فرمائیں
مجھے بھی شاہ مدینہ شمار میں رکھنا
Jab aap apne ghulamon ko yaad farmaien
Mujhe bhi Shah e Madina shumaar mein rakhna
حضور آپ جو چاہیں تو کیا نہیں ہوتا
میری امید کا گلشن بہار میں رکھنا
Hazoor aap jo chahain to kya nahi hota
Meri umeed ka gulshan bahar mein rakhna
قدم قدم پہ لگا ہے تجلیوں کا ہجوم
ذرا سنبھل کے قدم کوئے یار میں رکھنا
Qadam qadam pe laga hai tajalliyon ka hujoom
Zara sambhal ke qadam kooye yaar mein rakhna
اک التماس ہے جب تک رہوں میں دنیا میں
الہی سرورِ عالم کے پیار میں رکھنا
Ik iltija hai jab tak rahoon main duniya mein
Ilahi Sarwar e Alam ke pyar mein rakhna
نہ جانے کون سے لمحے میں آپ آ جائیں
نگاه شوق سدا انتظار میں رکھنا
Na jaane kaun se lamhe mein aap aa jaayein
Nigah e shouq sada intezar mein rakhna
نہ کہنا حال دل مضطرب زمانے سے
چھپا کے درد دل بے قرار میں رکھنا
Na kehna haal e dil e muztarib zamane se
Chhupa ke dard e dil beqaraar mein rakhna
لحد میں مجھ کو نیازی اتارنا جس دم
درود پاک کا تحفہ مزار میں رکھنا
Lahad mein mujhko Niazi utaarna jis dum
Darood e Pak ka tohfa mazar mein rakhna
Share This Naat
Share with friends and family
حضور اپنے کرم کے حصار میں رکھنا
عبدالستار نیازی