حُسین گُلشنِ تطہیر کی بہارِ مُراد
حُسین، غیرتِ اسلام ، آبرو ایجاد
Hussain gulshan-e-taharat ki bahar-e-murad
Hussain, ghairat-e-Islam, aabru ijad
شعارِ مصطفوؐی ، جس کے فکر کی بنیا د
شعورِ دینِ محمدؐ ، حُسین کا ارشاد
Sha'ar-e-Mustafa, jis ke fikr ki buniyad
Sha'ur-e-deen-e-Muhammad, Hussain ka irshad
ہجوم ِ لشکرِ باطل ،سپاہِ ابنِ زیاد
حُسین، حق کے نگہبان ! ہر چہ باداباد
Hujum-e-lashkar-e-batil, sipah-e-Ibn-e-Ziad
Hussain, haq ke nigehbaan! Har che baad-ab-baad
فزود ز اشکِ اسیراں، شماتتِ صیّاد
بزادگانِ بہاری درِ قَفس نہ کُشاد
Fazood z ashk-e-aseeran, shamateT-e-saiyaad
Bazaadgan-e-bahari dar-e-qafas nah kushad
وزید دَر چمنِ کربلا، نسیم کرم
خرامِ نگہتش ایزد بہ دُشمناں مرساد
Wazid dar chaman-e-Karbala, naseem-e-karam
Khiram-e-nigahet ishzad bah dusmanan mersaad
یزید ، قبر کی ظلمت ، حسین نُورِ زمیں
حسین، علم و عدالت ، یزید، استبداد
Yazid, qabr ki zulmat, Hussain noor-e-zameen
Hussain, ilm o adalat, yazid, istibdad
حسین، وارث خیر و یزید، وارثِ شَر
حسین عشق و متانت، یزید ، جَہل و فساد
Hussain, waris-e-khair o yazid, waris-e-shar
Hussain ishq o matanet, yazid, jahl o fasaad
حسین فرحتِ اہلِ وفا، دمِ اِیفا
یزید، ماتمِ اہلِ رِیا، پسِ بیداد
Hussain farhat-e-ahl-e-wafa, dam-e-ifa
Yazid, maatam-e-ahl-e-riya, pas-e-bidaad
کہیں ہے ظلم و تشدُّد ،کہیں بے صبر و رِضا
کوئی نشاط میں غلطاں، کسی کا گھر برباد
Kahen hai zulm o tashaddud, kahen be-sabr o riza
Koi nishat mein ghaltaan, kisi ka ghar barbaad
حسن ، حسین کی توصیف، مختصر یہ ہے
تقیبِ امن و نگہبان ِ عظمتِ اجداد
Hasan, Hussain ki tauseef, mukhtasar yeh hai
Taqib-e-aman o nigehbaan-e-azmat-e-ajdaad
یہ گود وہ ہے کہ جس میں پَلی حُسینیّت
جنابِ سیِّدَہ کو دیجیئے مبارَک باد
Yeh god woh hai ke jis mein pali Hussainiyat
Janab-e-Sayyidah ko dijiye mubarak baad
اجَل کی دھوپ میں اُس کا وہ سجدہء آخر
وہ تشنگی، وہ تمازت، وہ تیغہء جلّاد
Ajal ki dhoop mein us ka woh sajda-e-aakhir
Woh tishnagi, woh tamazat, woh taigha-e-jallaad
ہر امتحان میں شبّیر کا یہ حال رہا
خدا کا ذکر ، خدا سے وفا ، خدا کی یاد
Har imtihan mein Shabbir ka yeh haal raha
Khuda ka zikr, Khuda se wafa, Khuda ki yaad
بہ حدِّ ظرفِ خرد ، کم نظر نے مان لیا
سمجھ تو آئی ہے ، لیکن بہ قدرِ استعداد
Bah hadd-e-zarf-e-khirad, kam nazar ne maan liya
Samajh to aayi hai, lekin bah qadr-e-istaad
سِکھا گئے ہیں زمانے کو حُرّیت کا سبق
حسین، عزم و تدبُّر کے بے نظیر اُستاد
Sikha gaye hain zamane ko hurriyat ka sabaq
Hussain, azm o tadabbur ke be-nazir ustad
نَفس نَفَس ہے نگاہوں میں شیوہء تسلیم
نہ کوئی فکرِ اقارب ، نہ کچھ غمِ اولاد
Nafs nafas hai nigahon mein shewa-e-tasleem
Na koi fikr-e-qarib, na kuch gham-e-aulad
خدا کی راہ میں عزمِ حسین کیا کہنا
اِس اہتمام سے کرتا ہے کون ، گھر برباد
Khuda ki raah mein azm-e-Hussain kya kehna
Is ehtimaam se karta hai kaun, ghar barbaad
وہ جن کی ماں ہیں ، محمدؐ کی بِنتِ نیک اختر
وہ جن کے باپ ہیں ، خیر الانام کے داماد
Woh jin ki maan hai, Muhammad ki bint-e-neik akhtar
Woh jin ke baap hain, khair al anam ke damad
لرز لرز کے فنا ہوگئی یزیدیّت
حُسینیت نے ہِلا دی غرور کی بنیاد
Larz larz ke fana ho gayi yazidiyat
Hussainiyat ne hila di ghuroor ki buniyad
ہر اک ستم کا ہدف تھے ، حُسین ابنِ علی
وہ ظلم و جورِ مسلسل ، وہ دم بہ دم افتاد
Har ek sitam ka hadaf the, Hussain ibn-e-Ali
Woh zulm o jor-e-musalsal, woh dam beh dam aftaad
خلافِ اہلِ تعدّی ، جہاد واجب ہے
یہ دے گیا ہے پیام ، ایک بندہء آزاد
Khilaaf-e-ahl-e-ta'addi, jihad wajib hai
Yeh de gaya hai payam, ek banda-e-azad
زہے کرم ، بمن آورد بُوئے خاک ِ درش
بود ہمیشہ بشارت گہِ صبا، آباد
Zahe karam, baman aawrad, bu-e-khaak-e-darash
Bud hamesha basharat gah-e-saba, aabaad
ہزار ہا صَلَوات و ہزار تسلیمات
بروحِ سیِّدِ ؐ کونین و آلہِ الامجاد
Hazzar ha salaawat o hazzar tasleemat
Berooh-e-Sayyid-e-konain o alayh-e-alamjad
نصیؔر کیوں نہ ہو ایسے امام کا پیرو
کہ سر بِداد و بدستِ یزید ، دست نداد
Nasir kyun na ho aise Imam ka pairo
Ke sir bidaad o ba dast-e-Yazid, dast nadaad
Share This Naat
Share with friends and family
حُسین گُلشنِ تطہیر کی بہارِ مُراد
سید نصیرالدیں نصیر