ہوں مریض غم عصیاں مجھے اچھا کرنا
چارہ گر میرے بھی دکھ درد کا چارا کرنا
Hoon mareez e gham e isyaan mujhe acha karna
Chaara gar mere bhi dukh dard ka chaara karna
ہے کرم آپ کا ہر پست کو بالا کرنا
فیض ہے آپ کا قطرے کو بھی دریا کرنا
Hai karam aap ka har past ko baala karna
Faiz hai aap ka qatrey ko bhi darya karna
مانتا ہوں کہ بروں سے بھی برا ہوں لیکن
تجھ کو آتا ہے گنہ گار کو اچھا کرنا
Maanta hoon ke buron se bhi bura hoon lekin
Tujh ko aata hai ganeh gaar ko acha karna
دونوں عالم کے مقدر کو بدلنے والے
ایک رحمت کی نظر مجھ پہ بھی آقا کرنا
Dono aalam ke muqaddar ko badalne waley
Ek rehmat ki nazar mujh pe bhi aaqa karna
میرے نزدیک یقینا ہے عبادت یہ بھی
سرور دیں ترے روضے کا نظارا کرنا
Mere nazdeek yaqeenan hai ibaadat yeh bhi
Sarwar e deen tere rozey ka nazara karna
عین ایمان ہے سرکار کی الفت زاہد
ہے غلط اس کے سوا دین کا دعویٰ کرنا
Ain e imaan hai sarkar ki ulfat zaahid
Hai ghalat is ke siwa deen ka dawa karna
غم دوراں سے بچا رکھا ہے تو نے مجھ کو
غم محبوب نہ تو مجھ سے کنارا کرنا
Gham e douran se bacha rakha hai tu ne mujh ko
Gham e mehboob na tu mujh se kinaara karna
سبز گنبد کے مکیں سرور دیں ماہ مبین
اپنی یادوں کا میرے گھر میں اجالا کرنا
Sabz gumbad ke makain sarwar e deen maah e mubeen
Apni yaadon ka mere ghar mein ujala karna
اس کی نظروں میں نہیں جچتے حسینانِ جہاں
جس کی قسمت میں ہو آقا کا نظارا کرنا
Is ki nazron mein nahin jachte husnaan e jahan
Jis ki qismat mein ho aaqa ka nazara karna
مری قسمت بھی ہو بیدار بوصیری کی طرح
میرے آقا میرے خوابوں میں بھی آیا کرنا
Meri qismat bhi ho bedaar Busiri ki tarah
Mere aaqa mere khwabon mein bhi aaya karna
تیرے دربار کی خیرات ہی کافی ہے مجھے
یا نبی مجھ کو نہ محتاج کسی کا کرنا
Tere darbaar ki khairaat hi kaafi hai mujhe
Ya nabi mujh ko na mohtaaj kisi ka karna
شہر سرکار کی کرتا ہوں ہمیشہ باتیں
شغل میرا ہے یہی ذکر مدینہ کرنا
Sheher e sarkar ki karta hoon hamesha baatein
Shughul mera hai yehi zikr e madina karna
کیوں زباں میری تھکے ذکر سے تیرے آقا
میری فطرت میں ہے شامل ترا چرچا کرنا
Kyu zubaan meri thake zikr se tere aaqa
Meri fitrat mein hai shaamil tera charcha karna
تیرا بگڑا ہوا ہر کام بنے گا پل میں
نام سرکار کا ہر وقت وظیفہ کرنا
Tera bigra hua har kaam baney ga pal mein
Naam e sarkar ka har waqt wazeefa karna
ہم برے ہیں کہ بھلے ہیں تو تیرے ہی آقا
ہم غلاموں کو زمانے میں نہ رسوا کرنا
Hum bure hain ke bhale hain tu tere hi aaqa
Hum ghulamon ko zamane mein na ruswa karna
صرف اپنوں ہی پہ رحمت تیری موقوف نہیں
یعنی ہے خلق تیرا غیر کو اپنا کرنا
Sirf apnon hi pe rehmat teri mauqoof nahin
Yani hai khalq tera ghair ko apna karna
تیرے محبوب سے رکھتا ہے نیاز کی الفت
اس کو رسواہ نہ سر حشر خدایا کرنا
Tere mehboob se rakhta hai niyaaz ki ulfat
Is ko ruswa na sar e hashr khudaya karna
Share This Naat
Share with friends and family
ہوں مریض غم عصیاں مجھے اچھا کرنا
عبدالستار نیازی