Manqabat
ہُوا سارے جہاں میں بول بالا غوثِ اعظمؒ کا
ہُوا سارے جہاں میں بول بالا غوثِ اعظمؒ کا
حقیقت تو یہ ہے رُتبہ ہے اعلیٰ غوثِ اعظم ؒ کا
Hua saare jahan mein bol bala Ghous-e-Azamؒ ka
Haqeeqat to ye hai rutba hai aala Ghous-e-Azamؒ ka
شریعت کے گُلستاں میں طریقت کے دبستاں میں
جدھر دیکھو اُجالا ہی اُجالا غوثِ اعظم ؒ کا
Shariat ke gulistan mein tariqat ke dabistan mein
Jidhar dekho ujala hi ujala Ghous-e-Azamؒ ka
رُموزِ معرفت سب منکشَف ہوجائیں گے اُس پر
پڑھے گا جو تصوّف پر مقالا غوثِ اعظمؒ کا
Ramooz-e-ma'arifat sab munkashaf ho jaenge us par
Padhe ga jo tasawwuf par maqala Ghous-e-Azamؒ ka
اُسے ہر شَے پہ غلبہ کیوں نہ ہو ساری خدائی میں
سکندر ہے وظیفہ پڑھنے والا غوثِ اعظمؒ کا
Use har shey pe ghalba kyu na ho saari khudai mein
Sikandar hai waziFa padhne wala Ghous-e-Azamؒ ka
صداقت میں سخاوت میں ریاضت میں عبادت میں
قیامت تک رہے گا بول بالا غوثِ اعظمؒ کا
Sadaqat mein sakhaawat mein riyazat mein ibadat mein
Qiyamat tak rahe ga bol bala Ghous-e-Azamؒ ka
مِلائے خاک میں ابلیس کے مذموم منصوبے
محافظ بن گیا باری تعالی غوثِ اعظمؒ کا
Milae khak mein Iblees ke mazoom mansube
Muhafiz ban gaya Baari Ta'ala Ghous-e-Azamؒ ka
جواب اپنا نہیں رکھتی فقیری بھی امیری بھی
زمانے بھر سے ہے عالَم نرالا غوثِ اعظمؒ کا
Jawab apna nahi rakhti faqiri bhi amiri bhi
Zamane bhar se hai aalam nirala Ghous-e-Azamؒ ka
سلامی رات دن دیتی ہیں کرنیں چاند سُورج کی
ہر اک بغداد کا ذرّہ ہے پالا ، غوثِ اعظمؒ کا
Salami raat din deti hain kirne chaand sooraj ki
Har ek Baghdad ka zarra hai paala, Ghous-e-Azamؒ ka
طریقِ چشت ہو ، یا سُہروردی ، نقشبندی ہو
نظر آیا ہمیں ہر سُو اُجالا، غوثِ اعظمؒ کا
Tareeq-e-Chishti ho, ya Suharwardi, Naqshbandi ho
Nazar aaya humein har su ujala, Ghous-e-Azamؒ ka
ہُوئی تسلیم اہلِ دل کو ہر سُو برتری اُن کی
ہُوا ہر گام پر رُتبہ دوبالا غوثِ اعظمؒ کا
Hui tasleem ahl-e-dil ko har su baratari un ki
Hua har gaam par rutba dobaala Ghous-e-Azamؒ ka
اُنہوں نے جو کہا تائیدِ حق سے ہوگیا پُورا
مشیّت نے کبھی کہنا نہ ٹالا غوثِ اعظمؒ کا
Unho ne jo kaha ta'eed-e-Haq se ho gaya poora
Mashiat ne kabhi kehna na taala Ghous-e-Azamؒ ka
اثر ہوگا دُعا میں مدّعا تیرا بر آئے گا
مبارَک نام ہونٹوں پر ذرا لا غوثِ اعظمؒ کا
Asar hoga dua mein mudda tera bar aaye ga
Mubarak naam honton par zara la Ghous-e-Azamؒ ka
نبی ؐ کا نُور ، فیضِ فاطمہ کا کیوں نہ ہو وارث
علیِّ مُرتضیٰ ہے جدِّ اعلےٰ، غوثِ اعظمؒ کا
Nabiؐ ka noor, faize-Fatima ka kyu na ho waris
Ali-e-Murtaza hai jadd-e-aala, Ghous-e-Azamؒ ka
نصیؔر ایمان ہے اپنا، کہ محشر میں دمِ پُرسش
ہمارے کام آئے گا حوالا ، غوثِ اعظمؒ کا
Naseerؔ iman hai apna, ke Mahshar mein dam-e-purash
Hamare kaam aaye ga hawala, Ghous-e-Azamؒ ka
Share This Naat
Share with friends and family
ہُوا سارے جہاں میں بول بالا غوثِ اعظمؒ کا
سید نصیرالدیں نصیر