ہوا ہے آپ کے در پر قیام یا زہرا
قبول کیجئے حرفِ سلام یا زہرا
Hua hai aap ke dar par qiyam ya Zahra
Qubool kijiye harf-e-salaam ya Zahra
جھکا ہے آپ کے در پر غلام یا زہرا
ہے دست بستہ خطا کار و خام یا زہرا
Jhuka hai aap ke dar par ghulaam ya Zahra
Hai dast basta khata kar o khaam ya Zahra
عجم سے لایا ہے عجزِ قلم کے کچھ سجدے
قبول ہو تو بڑا ہے یہ کام یا زہرا
Ajam se laya hai ajz-e-qalam ke kuch sajday
Qubool ho to bara hai ye kaam ya Zahra
جسے بہ فخر تمہارے حضور پیش کروں
رقم ہو کیسے وہ اعلیٰ کلام یا زہرا
Jise be fakhar tumhare huzoor pesh karun
Raqam ho kaise woh aala kalaam ya Zahra
میں ڈر رہا ہوں کہیں بے ادب نہ کہلاؤں
زباں سے لیتے ہوئے تیرا نام یا زہرا
Main dar raha hoon kahin be adab na kehlaaun
Zabaan se lete hue tera naam ya Zahra
تو بنتِ سرورِ عالم ہے اور زوجِ علی
ترا نصیب ہے اوجِ دوام یا زہرا
Tu bint-e-Sarwar-e-Aalam hai aur zauja-e-Ali
Tera naseeb hai oj-e-dawaam ya Zahra
سواری حشر میں پہنچے گی آپ کی جس دم
خمیدہ ہوں گی نگاہیں تمام یا زہرا
Sawari hashr mein pohnche gi aap ki jis dam
Khamida hongi nigaahein tamaam ya Zahra
میں کیا بیان کروں منقبت کی سطروں میں
ورائے فہم ہے تیرا مقام یا زہرا
Main kya bayan karun manqabat ki satron mein
Waraye fahm hai tera maqam ya Zahra
Share This Naat
Share with friends and family
ہوا ہے آپ کے در پر قیام یا زہرا
اشفاق احمد غوری