ہووے سوہنے دا دیدار
کچھ وی ہور نہیں چاہی دا
Hovay sohnay da deedaar
Kuch vi hor nahiin chahi da
راضی ہو جاون سرکار
کچھ وی ہور نہیں چاہی دا
Raazi ho jaavan sarkar
Kuch vi hor nahiin chahi da
سوہنیاں سوہنیاں زلفاں والا
مٹھیاں مٹھیاں بولیاں والا
Sohniyaan sohaniyaan zulfan wala
Mithiyan mithiyan boliyan wala
سانوں مل گیا سوہنا یار
کجھ وی ہور نہیں چاہی دا
Sanu mil gaya sohna yaar
Kujh vi hor nahiin chahi da
جے اللہ ایہ کرم کماوے
میریاں خواباں دے وچ آوے
Je Allah eh karam kamaave
Meriyan khaaban de vich aave
سارے نبیاں دا سردار
کچھ وی ہور نہیں چاہی دا
Saaray nabiyan da sardar
Kuch vi hor nahiin chahi da
دولت دے انبار نئیں منگدا
میں دنیا دا پیار نئیں منگدا
Daulat de anbaar nain mangda
Main duniya da pyaar nain mangda
ترا مل جاوے بس پیار
کچھ وی ہور نہیں چاہی دا
Tera mil jaave bas pyaar
Kuch vi hor nahiin chahi da
خادم جیہڑے تیرے در دے
تیرے نام تے جیوندے مردے
Khadam jihray tere dar de
Tere naam te jeevanday marday
ہو وے انہاں وچ شمار
کجھ وی ہور نہیں چاہی دا
Ho vay inhaan vich shumaar
Kujh vi hor nahiin chahi da
جیرا کردا معاف خطاواں
اوس شہنشاہ دے در جاواں
Jeera karda maaf khatawaan
Ous shehnshah de dar jaavaan
اوتھے بن جاں خدمت گار
کجھ وی ہور نہیں چاہی دا
Outhay ban jaan khidmat gaar
Kujh vi hor nahiin chahi da
چھڈ کے جگ دے جھگڑے جھیڑے
لگ جاواں میں نیڑے نیڑے
Chhad ke jag de jhagray jheeray
Lag jaavaan main neeray neeray
دیکھاں مدنی دا دربار
کچھ وی ہور نہیں چاہی دا
Dekhwaan Madni da darbaar
Kuch vi hor nahiin chahi da
غم بہتے غم خوار نہ کوئی
درد ونڈاوندا یار نہ کوئی
Gham bahutay gham khwaar na koi
Dard wandaounda yaar na koi
مل جائے جے مدنی غم خوار
کچھ وی ہور نہیں چاہی دا
Mil jaaye je Madni gham khaawar
Kuch vi hor nahiin chahi da
چاؤندا اے بس ایہو نیازی
چیتے روے مینوں اپنا ماضی
Chaonda ay bas eho Niazi
Cheete rove mainu apna maazi
رواں رب دا شکر گزار
کجھ وی ہور نہیں چاہی دا
Ravaan Rab da shukar guzaar
Kujh vi hor nahiin chahi da
Share This Naat
Share with friends and family
ہووے سوہنے دا دیدار
عبدالستار نیازی