ہوں الگ طور کا بیمار اے رسولِ مختار !
ہے علاج آپ کا دیدار اے رسولِ مختار !
Hon alg tor ka bimar ae Rasool-e-Mukhtar !
Hai ilaj aap ka deedaar ae Rasool-e-Mukhtar !
میری تسکین کی صورت ہے تو صورت تیری
نین بے چین دل افگار اے رسول مختار !
Meri taskeen ki soorat hai tu soorat teri
Nain bechain dil afgar ae Rasool Mukhtar !
کردیا نازشِ جمعہ ترے مولِد نے وہ دن
جس سے ما قبل ہے اتوار اے رسول مختار !
Kardiya nazish-e-jummah tere molid ne woh din
Jis se ma qabl hai itwar ae Rasool Mukhtar !
ہر زمانے میں ولایت کو پرکھنے کےلیے
تیرے اخلاق ہیں معیار اے رسول مختار !
Har zamane mein wilayat ko parakhnay ke liye
Tere ikhlaq hain mi'yar ae Rasool Mukhtar !
متنِ وحدت کے اولو العزم جو ٹھہرے شُرّاح
ہیں ترے حاشیہ بردار اے رسول مختار !
Matan-e-wahdat ke olol azm jo thehray shurra
Hain tere hashia bardar ae Rasool Mukhtar !
فرع کا فعل ہے جب اصل کی جانب راجع
تو تو کعبے کا ہے مِعمار اے رسول مختار !
Far'a ka fail hai jab asal ki janib raji'
Tu tu Ka'be ka hai mi'maar ae Rasool Mukhtar !
سب گلستان ترے واسطے مخلوق ہوئے
بہرِ خالق ترا رخسار اے رسول مختار !
Sab gulistan tere wastay makhluq huway
Beher-e-Khaliq tera rukhsar ae Rasool Mukhtar !
معتدل چال میں بھی سب سے مقدم ہی رہے
معجزہ ہے تری رفتار اے رسول مختار !
Mo'tadil chaal mein bhi sab se muqaddam hi rahe
Mojza hai teri raftaar ae Rasool Mukhtar !
ذرّہ ذرّہ ہے ترے علم میں جیسے ، یونہی
تری قدرت میں ہے سنسار اے رسول مختار !
Zarra zarra hai tere ilm mein jaise, yunhi
Teri qudrat mein hai sansar ae Rasool Mukhtar !
سائلِ دید معظمؔ نے یہ سن رکھا ہے
آپ کرتے نہیں انکار اے رسول مختار
Sa'il-e-deed Mo'azzam ne yeh sun rakha hai
Aap karte nahi inkar ae Rasool Mukhtar
Share This Naat
Share with friends and family
ہوں الگ طور کا بیمار اے رسولِ مختار
معظم سدا معظم مدنی