ہوجائے گی ہر شوکتِ شاہانہ سبوتاژ
پر ہوگا مِرے شاہ کا منگتا نہ سبوتاژ
hojae gi har shaukat-e-shahana sabotaaz
par hoga mry shah ka mangta na sabotaaz
دیوانۂِ دل ، سر سوئے روضہ کرے ساجد
یارب ! نہ ہو یہ جذبۂِ مستانہ سبوتاژ
deewana-e-dil, sar soye roza kare sajid
ya rab! na ho ye jazba-e-mastana sabotaaz
اے مظہرِ توحید ! ہر اک دور میں تجھ سے
کعبہ ہوا آباد ، صنم خانہ سبوتاژ
ay mazhar-e-tauheed! har ek dor mein tujh se
kaaba hua aabad, sanam khana sabotaaz
حاصل ہیں جو نعتِ گلِ طیبہ کی بہاریں
ایماں کا گلستاں کبھی ہوگا نہ سبوتاژ
hasil hain jo naat-e-gul-e-taiba ki bahaarein
eemaan ka gulistaan kabhi hoga na sabotaaz
اُٹّھے ہیں اگر ہاتھ تِرے یادِ نبی سے
ہے زاہد ناداں ! تِری دوگانہ سبوتاژ
ut'the hain agar haath tre yaad-e-nabi se
hai zaahid naada! tri dogana sabotaaz
یہ حصرِ "رَفَعنا " میں ہے وہ حکمِ فنا میں
مدحت کدہ آباد غزل خانہ سبوتاژ
ye hasar "rafa'na" mein hai wo hukum-e-fana mein
madhet kada aabad ghazal khana sabotaaz
انسان کو انسانی روش تو نے بتائی
اور کردیے اطوارِ بہیمانہ سبوتاژ
insaan ko insani rawish tu ne bataai
aur kardiye atwaar-e-baheemana sabotaaz
بیمارو ! چلو بر درِ عیسائے مدینہ
تاحشر نہ ہوگا یہ شفا خانہ سبوتاژ
beemaro! chalo bar dar-e-eesaye madina
tahshar na hoga ye shifa khana sabotaaz
بجھنے کو نجوم و مہ و خور ہیں اے معظم !
ہوگی نہ مگر طلعتِ جانانہ سبوتاژ
bujhne ko nujoom o meh o khor hain ay muazzam!
hogi na magar tal`at-e-janana sabotaaz
Share This Naat
Share with friends and family
ہوجائے گی ہر شوکتِ شاہانہ سبوتاژ
معظم سدا معظم مدنی