ہوگی بُلند خیر سے اب عزّ و جاہِ خیر
سَر پر حُضورؐ آئے ہیں رکھ کر کُلاہِ خیر
Hogi buland khair se ab iz- o jaah- e khair
Sar par Huzurﷺ aaye hain rakh kar kulah- e khair
خیر البشرؐ ہیں یُوں کہ وہ ہیں بادشاہِ خیر
شر کی پہنچ سے دُور ہے یہ بارگاہِ خیر
Khair ul basharﷺ hain yun ke woh hain badshah- e khair
Shar ki pohanch se door hai yeh bargah- e khair
صبح ِازل ہیں آپؐ، تو نُورِ نگاہِ خیر
انسان کی زبان پہ ہیں مہر و ماہِ خیر
Subah - e azal hain aapﷺ, to noor- e nigah- e khair
Insan ki zaban pe hain mehr o mah- e khair
بُو جَہل شورہ پُشت، شریر اور شر مزاج
شاہِؐ عرب، امیر ِعمل، خیر خواہِ خیر
Bu jahl shora pusht, sharir aur shar mizaj
Shah- e arabﷺ, amir - e amal, khair khwah- e khair
بھٹکا ہُوا تھا دیر سے انساں کا قافلہ
خیرالوریٰؐ نے اُس کو دِکھائی ہے راہِ خیر
Bhatka huwa tha der se insaan ka qafila
Khair ul waraﷺ ne us ko dikhai hai rah- e khair
پوچھو یہ کائنات کی بنجر زمین سے
اک اک قدم پہ کس نے اُگائی گیاِ خیر
Poocho yeh kainat ki banjar zameen se
Ik ik qadam pe kis ne ugai gaya- e khair
جب بھی دُعا کو ہاتھ اُٹھیں، اُن کا نام لے
ہے ذاتِ پاکِ شاہِؐ اُمم، دستگاہِ خیر
Jab bhi dua ko hath uthain, un ka naam le
Hai zat- e pak- e Shah- eﷺ umm, dastgah- e khair
سینے میں میرے عشقِ محمدؐ ہے موجزن
ہر شعر میری نعت کا ہے اک گواہِ خیر
Seene mein mere ishq- e Muhammadﷺ hai maujzan
Har sher meri naat ka hai ik gawah- e khair
ہر ذرّہ کہہ رہا ہے قدم بڑھ کے چُوم لُوں
محشر میں آئیں جب بھی نظر ، بادشاہِ خیر
Har zarrah keh raha hai qadam barh ke choom loo
Mahshar mein aayein jab bhi nazar , badshah- e khair
خیر الوریٰؐ کی دُھوم ہے سارے جہان میں
سردارِ انبیاؑ ہیں، تو ہیں سربراہ ِخیر
Khair ul waraﷺ ki dhoom hai sare jahan mein
Sardar- e anbiya hain, to hain sarbarah- e khair
آنکھوں کی روشنی ہیں حَسنؓ بھی حُسین ؓ بھی
اک امن کا امیں ہے، تو ہے اک پناہِ خیر
Ankhon ki roshni hain Hasanؓ bhi Husainؓ bhi
Ik aman ka amin hai, to hai ik panah- e khair
نسبت ہے اُن کے سلسلہ فقر سے نصیرؔ
آباد میرے دل میں ہے اک خانقاہِ خیر
Nisbat hai un ke silsila faqr se Naseer
Aabaad mere dil mein hai ik khanqah- e khair
Share This Naat
Share with friends and family
ہوگی بُلند خیر سے اب عزّ و جاہِ خیر
سید نصیرالدیں نصیر