حضوری جو کہ خوابوں کی بدولت ساتھ رہتی ہے
شہِؐ دیں کے خیالوں کی بدولت ساتھ رہتی ہے
Huzoori jo keh khwabon ki badolat sath rehti hai
Shah-e-deen ke khayalon ki badolat sath rehti hai
متاعِ عشق سے تعبیر کرتا ہے جسے عالم
وہ حبِ شہؐ کے جذبوں کی بدولت ساتھ رہتی ہے
Mataa-e-ishq se tabeer karta hai jise aalam
Woh hub-e-shah ke jazbon ki badolat sath rehti hai
سرِ محشر بھی ہو گی مونس جاں رحمتِ آقاؐ
یہاں جو ان کی یادوں کی بدولت ساتھ رہتی ہے
Sar-e-mahshar bhi ho gi monis jaan rehmat-e-aqa
Yahan jo un ki yaadon ki badolat sath rehti hai
ہیں نظریں جالیوں پر، سبز گنبد اور مواجہ پر
بہارِ لطف جلووں کی بدولت ساتھ رہتی ہے
Hain nazrain jaalion par, sabz gunbad aur mavajah par
Bahaar-e-lutf jalwon ki badolat sath rehti hai
سحر خوش قسمتی کی جس کو کہتے ہیں، وہ اے طاہرؔ!
مؤدّت کے اجالوں کی بدولت ساتھ رہتی ہے
Sehar khush kismati ki jis ko kehte hain, woh ae Tahir!
Moaddat ke ujaalon ki badolat sath rehti hai
Share This Naat
Share with friends and family
حضوری جو کہ خوابوں کی بدولت ساتھ رہتی ہے
پروفیسر محمد طاہر صدیقی