حضور ایسا کوئی انتظام ہو جائے
سلام کیلئے حاضر غلام ہو جائے
Huzoor aisa koi intizam ho jaye
Salam ke liye haazir ghulam ho jaye
میں صرف دیکھ لوں اک بار صبح طیبہ کو
بلا سے پھر مری دنیا میں شام ہو جائے
Main sirf dekh loon ik baar subah tayyiba ko
Bala se phir meri dunya mein shaam ho jaye
تجلیات سے بھر لوں میں کاسئہ دل و جاں
کبھی جو ان کی گلی میں قیام ہو جائے
Tajalliyaat se bhar loon main kaase-e-dil-o-jaan
Kabhi jo un ki gali mein qayaam ho jaye
حضور آپ جو سن لیں تو بات بن جائے
حضور آپ جو کہہ دیں تو کام ہو جائے
Huzoor aap jo sun lein to baat ban jaye
Huzoor aap jo keh dein to kaam ho jaye
حضور آپ جو چاہیں تو کچھ نہیں مشکل
سمٹ کے فاصلہ یہ چند گام ہو جائے
Huzoor aap jo chahein to kuch nahin mushkil
Simat ke faasla ye chand gaam ho jaye
ملے مجھے بھی زبان ِ بو صیری و جامی
مرا کلام بھی مقبول عام ہو جائے
Mile mujhe bhi zubaan-e-Busiri o Jaami
Mera kalaam bhi maqbool-aam ho jaye
مزہ تو جب ہے فرشتے یہ قبر میں کہہ دیں
صبیح! مدحت خیر الانام ہو جائے
Maza to jab hai farishte ye qabr mein keh dein
Sabaeh! mad'h-e-Khair ul Anaam ho jaye
Share This Naat
Share with friends and family
حضور ایسا کوئی انتظام ہو جائے
سید صبیح الدین صبیح رحمانی