Manqabat
حسبوں نسبوں ارفع اعلیٰ ہے سادات گھرانہ
حسبوں نسبوں ارفع اعلیٰ ہے سادات گھرانہ
ایویں نہیں اس گھر دا ہویا جگ سارا دیوانہ
Hasbo nasbo arf'a a'ala hai sadat gharana
Aiwen nahin iss ghar da hoya jag saara deewana
میں لج پال دے در دا مانگت ہور کمال نہ پلے
مینوں آقا نے لڑ لا کے کیتے بخت سولے
Mein lajpāl de dar da mangat hor kamal na pale
Meinon aaqa ne lar la ke keete bakht sole
سن لے عرض غریب نوازا میرے سوہنے سائیاں
کرم کریں دربار دا صدقہ تیرے در تے آئیاں
Sun le arz ghareeb nawaza mere sohane saiyan
Karam karein darbar da sadqa tere dar te aiyan
بوہے وسدے رہن سخی دے ملدیاں رہن مراداں
آل اولاد دا صدقہ سخیا کردا رہیں امداداں
Bohe wasde rehan sakhi de maldiyan rehan muradaan
Aal aulad da sadqa sakhiya karda rahein imdaadaan
کنڈیاں نال بھرے نہیں رستے منزل بہت دور اڈی
نظر کرم دی کر کے سائیاں مشکل حل کر ساڈی
Kundiyan nal bhare nahin raste manzil bohot dur adi
Nazar karam di kar ke saiyan mushkil hal kar sadi
چڑھدے لہندے چار چوفیرے گھر گھر تیریاں دھماں
میرے لئی اعزاز ایہہ کافی یار دے جوڑے چماں
Chardhe lehnde chaar chaufere ghar ghar teriyan dhamman
Mere laee a'azaz aihe kafi yaar de jore chaman
کرماں والی بستی تیری کرماں والیاں گلیاں
ایناں گلیاں نے رج رج چمیاں سوہنیاں تیریاں تلیاں
Karma wali basti teri karma waliyan galliyan
Enan galliyan ne raj raj chamiya sohnaan teriyan taliyan
جے چاہویں توں قرب سجن دا پا نسبت دا چوڑا
یار دیاں گلیاں وچ رہیے بن کے روڑا کوڑا
Je chahwein toon qurb sajan da pa nisbat da choora
Yaar diyan galliyan wich rahie ban ke rora kora
چن لیا ای محبوب جے اپنا نہ تکئے ول غیراں
ہر تھاں تیریاں خیراں ہو سن منگ مرشد دیاں خیراں
Chan lia ai mehboob je apna na takie wal ghairan
Har tha teriyan khairan hon san mang murshid diyan khairan
وارث دے ہتھ ڈور تتی دی اوہ میرا رکھوالا
اوہدا کرم ہے یار نیازی لنگھدا وقت سکھالا
Waris de hath dor tatti di oh mera rakhwala
Ohda karam hai yaar niazi langhda waqt sukhala
Share This Naat
Share with friends and family
حسبوں نسبوں ارفع اعلیٰ ہے سادات گھرانہ
عبدالستار نیازی