’’حرم سے قافلہ نکلا ہے کربلا کی طرف‘‘
خدائے پاک کی خوشنودی و رضا کی طرف
''Haram se qafila nikla hai Karbala ki taraf''
Khuda-e-Pak ki khushnudi o raza ki taraf
رہی ہے عقل کو حاجت ہمیشہ راحت کی
دکھائی دے گا سدا عشق ابتلا کی طرف
Rahi hai aql ko haajat hamesha rahat ki
Dikhai de ga sada ishq ibtala ki taraf
بھنور میں آن گِھری ہے یہ ناؤ امّت کی
لگا کے آس کھڑی ہے یہ ناخدا کی طرف
Bhanwar mein aan ghiri hai yeh nao umat ki
Laga ke aas khadi hai yeh nakhuda ki taraf
اِدھر نفوس بہتّر اُدھر بڑا لشکر
وفا تھی خون میں شامل گئے وفا کی طرف
Idhar nafoos bahattar udhar bara lashkar
Wafa thi khoon mein shaamil gaye wafa ki taraf
سخی وہ ہیں کہ سوالی جو دے صدا در پر
تو ایک پل میں لپکتے ہیں وہ سخا کی طرف
Sakhi woh hain ke sawali jo de sada dar par
To aik pal mein lapakte hain woh sakha ki taraf
کلابِ دنیا تو سارے ہی تھے یزید کے ساتھ
مگر تھے اہلِ وفا آلِ مصطفیٰ کی طرف
Kilaab-e-duniya to sare hi the Yazeed ke saath
Magar the Ahl-e-Wafa Aal-e-Mustafa ki taraf
ملی ہے خاکِ مدینہ اسے دوا کی طرح
جو بڑھ رہا ہے مریضِ کہن شفا کی طرف
Mili hai khaak-e-Madina use dawa ki tarah
Jo barh raha hai mareez-e-kohan shifa ki taraf
جلیل دیدنی منظر تھا صحنِ زہرا میں
گئے تھے آلِ نبی جس گھڑی کسا کی طرف
Jaleel deedni manzar tha sa'n-e-Zahra mein
Gaye the Aal-e-Nabi jis ghari kasa ki taraf
Share This Naat
Share with friends and family
حرم سے قافلہ نکلا ہے کربلا کی طرف
حافظ عبدالجلیل