ہر وقت تصوّر میں مدینے کی گلی ہے
اب دربدری ہے نہ غریب الوطنی ہے
Har waqt tasawwur mein madine ki gali hai
Ab darbadri hai na ghareeb ul-watani hai
وہ شمع حرم جس سے منور ہے مدینہ
کعبے کی قسم رونق کعبہ بھی وہی ہے
Woh shama-e-haram jis se munawwar hai madina
Ka'be ki qasam ronaq-e-ka'ba bhi wohi hai
اس شہر میں بک جاتے ہیں خود آکے خریدار
یہ مصر کا بازار نہیں ‘ شہر نبی ﷺ ہے
Is shehr mein bik jate hain khud aake kharidaar
Yeh misr ka bazar nahi ' shehr-e-nabi ﷺ hai
اس ارض مقدس پہ ذرا دیکھ کے چلنا
اے قافلے والو یہ مدینے کی گلی ہے
Is arz-e-muqaddas pe zara dekh ke chalna
Ae qaflay waalo yeh madine ki gali hai
نظروں کو جھکائے ہوئے خاموش گزر جاؤ
بیتاب نگاہی بھی یہاں بے ادبی ہے
Nazron ko jhukaye hue khamosh guzr jaao
Betaab nigahi bhi yahan be-adbi hai
حق اس کا ادا صرف جبینوں سے نہ ہوگا
اے سجدہ گزارو یہ درِ مصطفو یؐ ہے
Haq is ka ada sirf jabeenon se na hoga
Ae sajda guzaaro yeh dar-e-Mustafa ﷺ hai
نذرانہء جاں پیش کرو حلقہ بگوشو!
یہ بارگہِ ہاشمی و مطلبیؐ ہے
Nazrana-e-jaan pesh karo halqa baghosho!
Yeh bargah-e-Hashmi o Mutalabi ﷺ hai
اقباؔل میں کس منہ سے کروں مدح ِ محمد ﷺ
منہ میرا بہت چھوٹا ہے اور بات بڑی ہے
Iqbāl mein kis munh se karun madh-e-Muhammad ﷺ
Munh mera bohot chhota hai aur baat barri hai
Share This Naat
Share with friends and family
ہر وقت تصوّر میں مدینے کی گلی ہے
پروفیسراقبال عظیم