ہے کونین کے سر پہ رحمت نبی کی
کرے پھر نہ کیوں ناز اُمت نبی کی
Hai konain ke sar pe rehmat Nabi ki
Kare phir na kyon naaz ummat Nabi ki
نہ کیونکر رہے ہر جگہ سنیوں پر
خدا کا کرم اور عنایت نبی کی
Na kyonkar rahe har jagah suniyo par
Khuda ka karam aur inayat Nabi ki
ہمیں جائیں گے خلد میں سب سے پہلے
نبی کے ہیں ہم اور جنت نبی کی
Humein jayenge khuld mein sab se pehle
Nabi ke hain hum aur jannat Nabi ki
بنائے گئے ہم شفاعت کی خاطر
ہمارے لیے ہے شفاعت نبی کی
Banaye gaye hum shifa'at ki khaatir
Hamaare liye hai shifa'at Nabi ki
وہی لطف پائیں گے روزِ قیامت
جو رکھتے ہیں دنیا میں اُلفت نبی کی
Wohi lutf pa'enge roz-e-qayamat
Jo rakhte hain duniya mein ulfat Nabi ki
قیامت کا دن صرف اِس واسطے ہے
کہ دِکھلائیں اُس روز عزت نبی کی
Qayamat ka din sirf is wastay hai
Ke dikhlain us roz izzat Nabi ki
یہ رِضواں کو حکمِ خدا ہے کہ پہلے
چلی جائے جنت میں اُمت نبی کی
Yeh Ridwaan ko hukum-e-Khuda hai ke pehle
Chali jaye jannat mein ummat Nabi ki
فقط ایک عالم نہیں اُن پہ شیدا
خدا کو بھی پیاری ہے صورت نبی کی
Fqat ek aalam nahi un pe sheeda
Khuda ko bhi pyari hai soorat Nabi ki
وہ فرماتے ہیں مَنْ رَّاٰنِیْ رَاَ الْحَقَّ
کچھ ایسی بنائی ہے صورت نبی کی
Woh farmate hain man raani ra'a al-haqqa
Kuch aisi banai hai soorat Nabi ki
چلے جائیں گے خلد میں زہد والے
گنہگار دیکھیں گے صورت نبی کی
Chale jayenge khuld mein zuhd waale
Gunehgaar dekhenge soorat Nabi ki
زمانہ ہے شاہِ عرب کا بھکاری
دو عالم میں بٹتی ہے دولت نبی کی
Zamana hai Shah-e-Arab ka bhikari
Do aalam mein batti hai daulat Nabi ki
نہ کیوں سبز گنبد پہ عالم ہو قرباں
کہ اس میں بنی پیاری تربت نبی کی
Na kyon sabz gunbad pe aalam ho qurbaan
Ke is mein bani pyari turbat Nabi ki
عجب جالیاں ہیں سنہری سنہری
عجب پیاری پیاری ہے تربت نبی کی
Ajab jaaliyan hain sunehri sunehri
Ajab pyari pyari hai turbat Nabi ki
نہ لگتا تھا سدرہ پہ جبریل کا دِل
گوارا نہ تھی ان کو فرقت نبی کی
Na lagta tha Sidra pe Jibreel ka dil
Gawara na thi un ko furqat Nabi ki
فرشتوں میں اَفضل کیا یوں خدا نے
کہ کرتے تھے جبریل خدمت نبی کی
Farishton mein afzal kiya yun Khuda ne
Ke karte the Jibreel khidmat Nabi ki
بلایا خدا نے اُنہیں لامکاں میں
ہوئی عرشِ اَعظم پہ دعوت نبی کی
Bulaya Khuda ne unhein la-makaan mein
Hui arsh-e-azm pe dawat Nabi ki
نہ ہوگا کوئی بعد اُن کے پیمبر
بتاتی ہے مہرِ نبوت نبی کی
Na hoga koi baad un ke Paighambar
Batati hai mehr-e-Nubuwwat Nabi ki
صحابہ ہیں سب مثلِ اَنجم دَرخشاں
سفینہ ہے اُمت کا عترت نبی کی
Sahaaba hain sab misl-e-anjum darakh-shaan
Safeena hai ummat ka itrat Nabi ki
ابوبکر کی شان و عزت تو دیکھو
رہی بعد رحلت بھی قربت نبی کی
Abu Bakr ki shaan aur izzat to dekho
Rahi baad rehlat bhi qurbat Nabi ki
دوشنبہ کو اَفضل کیا یوں خدا نے
کہ اس میں ہوئی ہے وِلادت نبی کی
Doshanba ko afzal kiya yun Khuda ne
Ke is mein hui hai wiladat Nabi ki
بحکمِ اَحادِیث اِیمان یہ ہے
کہ ہو سب سے بڑھ کر محبت نبی کی
Bihukm-e-ahaadith imaan yeh hai
Ke ho sab se badh kar muhabbat Nabi ki
ہے تصدیقِ وَحدانیت جزوِ اِیماں
مگر اَصلِ اِیماں ہے اُلفت نبی کی
Hai tasdiq-e-wahdaniyat jazw-e-imaan
Magar asl-e-imaan hai ulfat Nabi ki
کتابِ الٰہی یہ فرما رہی ہے
ہے طاعت خدا کی اِطاعت نبی کی
Kitaab-e-Ilahi yeh farma rahi hai
Hai ta'at Khuda ki ita'at Nabi ki
نبی کے محب ہو تو محبوبِ رَب ہو
خدا کو ہے اِتنی محبت نبی کی
Nabi ke muhbb ho to mehboob-e-Rab ho
Khuda ko hai itni muhabbat Nabi ki
کسی کی کسی کو نہیں ہے نہ ہوگی
خدا کو ہے جتنی محبت نبی کی
Kisi ki kisi ko nahi hai na hogi
Khuda ko hai jitni muhabbat Nabi ki
وہ آئی وہ آئی وہ آئی وہ آئی
شفاعت شفاعت شفاعت نبی کی
Woh aayi woh aayi woh aayi woh aayi
Shifa'at shifa'at shifa'at Nabi ki
نہ گھبراؤ بندو نہ گھبراؤ بندو
یہ کہتی ہے ہم سے وَجاہت نبی کی
Na ghabrao bando na ghabrao bando
Yeh kehti hai hum se wajaahat Nabi ki
رَاٰنِیْ رَاَ الْحَقّ یہ فرما رہا ہے
ہے رُویت خدا کی زِیارت نبی کی
Ra'ani ra'al-haq yeh farma raha hai
Hai ru'iyat Khuda ki ziyaarat Nabi ki
دَمَک کر چمک کر یہ کہتی ہے صورت
کہ جلوہ خدا کا ہے طلعت نبی کی
Damak kar chamak kar yeh kehti hai soorat
Ke jalwa Khuda ka hai tal'at Nabi ki
مِلا جس کو جو کچھ یہیں سے مِلا ہے
ہے مشہورِ عالم سخاوَت نبی کی
Mila jis ko jo kuch yahin se mila hai
Hai mashhur-e-aalam sakhaawat Nabi ki
نہیں ہوتی کم خرچ کرنے سے کچھ بھی
عجب بڑھتی دولت ہے نعمت نبی کی
Nahi hoti kam kharch karne se kuch bhi
Ajab barhti daulat hai naimat Nabi ki
خدا نے دیا ہے مگر ان کے ہاتھوں
عطا تو خدا کی ہے قسمت نبی کی
Khuda ne diya hai magar un ke haatho
Ata to Khuda ki hai qismat Nabi ki
عذابِ خدا منکروں پر اُترتا
نہ ہوتی اگر عام رحمت نبی کی
Azaab-e-Khuda munkiron par utarta
Na hoti agar aam rehmat Nabi ki
عوض ظلم کے دشمنوں کو دُعا دی
جہاں سے نرالی ہے عادت نبی کی
Awaz zulm ke dushmano ko dua di
Jahan se nirali hai aadat Nabi ki
اِشارے سے اِک چاند کے دو بنائے
ہے تا عرش نافذ حکومت نبی کی
Ishaare se ek chaand ke do banaye
Hai ta arsh naafiz hukumat Nabi ki
مہ و مہر اَرض و سما عرش و کرسی
نہیں جانتا کون قدرت نبی کی
Mah o mehr arz o sama arsh o kursi
Nahi jaanta kaun qudrat Nabi ki
گرے آکے اَشجار قدموں پہ ان کے
جمادات نے دی شہادت نبی کی
Gire aake ashjar qadamoon pe un ke
Jamaadaat ne di shahadat Nabi ki
دَمِ نزع مرقد میں روزِ قیامت
خدایا مُیَسَّر ہو قربت نبی کی
Dam-e-naza markad mein roz-e-qayamat
Khudaya muyassir ho qurbat Nabi ki
نہ چھوڑا کسی کو بھی دستِ عطا نے
ملا سب کو سب کچھ بدولت نبی کی
Na chhoda kisi ko bhi dast-e-ata ne
Mila sab ko sab kuch badolat Nabi ki
عدو کے جلانے کو اے سنیو تم
کرو جس سے ظاہر ہو شوکت نبی کی
Adu ke jalane ko aye suniyo tum
Karo jis se zahir ho shaukat Nabi ki
جمیلؔ اپنے اِیماں کا اِیمان یہ ہے
کہ ہو دِل میں خالص محبت نبی کی
Jameel apne imaan ka imaan yeh hai
Ke ho dil mein khaalis muhabbat Nabi ki
Share This Naat
Share with friends and family
ہے کونین کے سر پہ رحمت نبی کی
جمیل الرحمن قادری