ہر درد کا ہوتا ہے درمان مدینے میں
خالق کا بھی ہوتا ہے عرفان مدینے میں
Har dard ka hota hai darman Madine mein
Khaliq ka bhi hota hai irfan Madine mein
خاکِ درِ اقدس پر رکھتی ہے جبیں دُنیا
اِس طرح نکلتے ہیں ارمان مدینے میں
Khaak-e-dar-e-aqdas par rakhti hai jabeen dunya
Is tarah nikalte hain arman Madine mein
ایماں کی فضائیں ہیں ایماں کی ہوائیں ہیں
ہوتا ہے غرض کامل ایمان مدینے میں
Imaan ki fazaein hain imaan ki hawaein hain
Hota hai gharaz kamil imaan Madine mein
وحدت کی وہاں تابش رحمت کی وہاں بارش
بخشش کا ہماری ہے سامان مدینے میں
Wahdat ki wahan taabish rehmat ki wahan barish
Bakhshish ka hamari hai samaan Madine mein
یہ میرا عقیدہ ہے یہ دل کا عقیدہ ہے
ہوتی ہے ہر اک مشکل آسان مدینے میں
Ye mera aqeeda hai ye dil ka aqeeda hai
Hoti hai har ik mushkil aasan Madine mein
پھرجاتے ہیں دن اُس کے مل جاتی ہے جاں اس کو
جاتا ہے اگر کوئی بے جان مدینے میں
Phir jate hain din us ke mil jati hai jaan usko
Jata hai agar koi be jaan Madine mein
بہزؔاد گذرتے ہیں یوں زیست کے دن میرے
میں ہند میں رہتا ہوں ہے جان مدینے میں
Behzad guzarte hain yun zist ke din mere
Main hind mein rehta hoon hai jaan Madine mein
Share This Naat
Share with friends and family
ہر درد کا ہوتا ہے درمان مدینے میں
بہزاد لکھنوی