ہمارے سر پہ ہے سایہ فگن رحمت محمد کی
ہمارے دل میں ہے جلوہ کناں صورت محمد کی
Hamare sar pe hai saya fagan rehmat Muhammad ki
Hamare dil mein hai jalwa kuna suart Muhammad ki
گنہگارو نہ گھبراؤ سیہ کارو نہ شرماؤ
وہ آئی مجرموں کو ڈھونڈتی رحمت محمد کی
Gunahgaro na ghabrayo siyah karo na sharmayo
Woh ai mujrimo ko dhoondti rehmat Muhammad ki
عرب والا چلا ہے بخشوانے اپنی امت کو
مچی ہے سارے خاص و عام میں شہرت محمد کی
Arab wala chala hai bakshwane apni umat ko
Machi hai sare khas o aam mein shuhurat Muhammad ki
علوم اولیّن و آخریں کا کردیا مالک
خدا نے دھوم سے کی عرش پر دعوت محمد کی
Uloom awwaleen o akhireen ka kardi malak
Khuda ne dhoom se ki arsh par dawat Muhammad ki
اشارے سے قمر کے دو کئے سورج کو لو ٹایا
زمانے میں ہے اشہر طاقت و قدرت محمد کی
Isharay se qamar ke do kiye suraj ko lo utaya
Zamane mein hai asher taqat o qudrat Muhammad ki
فقیرو بینواؤ مانگ لو جو کچھ ضرورت ہو
جھڑکنا پھیرنا خالی نہیں عادت محمد کی
Fakeero beenwao maang lo jo kuch zarurat ho
Jhadkana pherna khali nahi adat Muhammad ki
فرشتو قبر میں اپنی سند ہمرا ہ لایا ہوں
یہ دیکھو دل کے آئینے میں ہے صورت محمد کی
Farishto qabr mein apni sanad humraah laya hoon
Yeh dekho dil ke aayine mein hai suart Muhammad ki
فدا کیونکر نہ ہو جان جہاں اس سبز گنبد پر
کہ اُسمیں ہے سجی پیاری دولہن تربت محمد کی
Fida kyun kar na ho jaan jahan is sabz gunbad par
Ke usmein hai saji pyari dulhan turbat Muhammad ki
ہزاروں قدسیوں کی بھیڑ ہے روضے کی جالی پر
ہزاروں آرہے ہیں دیکھنے تربت محمد کی
Hazaroo qadsiyo ki bheed hai roza ki jali par
Hazaroo aarhe hain dekhne turbat Muhammad ki
جمیؔل قادری رضوی تجھے کیوں خوف محشر ہو
کہ تیرے دل کے آئینے میں ہے صورت محمد کی
Jamil Qadri Razvi tujhe kyun khauf e mahasher ho
Ke tere dil ke aayine mein hai suart Muhammad ki
Share This Naat
Share with friends and family
ہمارے سر پہ ہے سایہ فگن رحمت محمد کی
مولانا جمیل الرحمان رضوی