ہم سوئے حشر چلیں گے شہؐ ابرار کے ساتھ
قافلہ ہوگا رواں قافلہ سالار کے ساتھ
Hum soye hashr chalein ge Sheh Abrrar ke saath
Qaafila hoga rawaan qaafila salar ke saath
مدحت خواجہ دیں مدحت سرکارؐ کے ساتھ
زندگی گزری ہے کیفیت سرشار کے ساتھ
Madah Khwaja Deen madah Sarkar ke saath
Zindagi guzri hai kefiyat sarshar ke saath
میں بھی وابستہ ہوں سرکار کے دربار کے ساتھ
خاک کا ذرہ بھی ہے عالم انوار کے ساتھ
Main bhi wabasta hoon Sarkar ke darbar ke saath
Khaak ka zarra bhi hai Alam-e-Anwaar ke saath
رہ گئے منزل سدرہ پہ پہنچ کر جبریلؑ
چل نہیں سکتا فرشتہ تری رفتار کے ساتھ
Reh gaye manzil-e-Sidrah pe pohanch kar Jibrail
Chal nahi sakta Farishta teri raftaar ke saath
بخت بیدار ہے یاور ہے مقدر اس کا
جس نے دیکھا ہے انہیں دیدہء بیدار کے ساتھ
Bakht bedaar hai yawar hai muqaddar us ka
Jis ne dekha hai unhein deedah-e-bedaar ke saath
یہ تو طیبہ کی محبت کا اثر ہے ورنہ
کون روتا ہے لپٹ کر درودیوار کے ساتھ
Ye to Taybah ki mohabbat ka asar hai warna
Kaun rota hai lipat kar daro-deewar ke saath
مل ہی جائے گاکوئی خوان کرم کا ٹکڑا
ہے تعلق جو سگان در سرکارؐ کے ساتھ
Mil hi jaaye ga koi khwaan-e-karam ka tukda
Hai taluq jo sagan-e-dar-e-Sarkar ke saath
اے خدا دی ہے اگر نعت نبیؐ کی توفیق
حسن کردار بھی دے لذت گفتار کے ساتھ
Ae Khuda di hai agar naat-e-Nabi ki tofeeq
Husn-e-kirdar bhi de lazzat-e-guftaar ke saath
جب کھلے حشر میں گیسوئے شفاعت ان کے
ہم سے عاصی بھی نظر آئیں گے ابرار کے ساتھ
Jab khule hashr mein gesu-e-shafaat un ke
Hum se aasi bhi nazar aayenge abrrar ke saath
میں یہ کہتا ہوں کہ تھا انؐ کی نظر کا اعجاز
لوگ کہتے ہیں کہ دیں پھیلا ہے تلوار کے ساتھ
Main ye kehta hoon ke tha un ki nazar ka aijaz
Log kehte hain ke deen phaila hai talwar ke saath
ایسا حج زحمت بے جا کے سوا کچھ بھی نہیں
عشق محکم نہ ہو گر احمدؐ مختار کے ساتھ
Aisa hajj zahmat-e-beja ke siwa kuch bhi nahi
Ishq mehkum na ho gar Ahmad-e-Mukhtar ke saath
شہر یثرب کا مسافر نہیں رہ میں تنہا
کارواں شوق کا ہے طالب دیدار کے ساتھ
Shehr-e-Yasrab ka musafir nahi reh main tanha
Karwan-e-shauq ka hai taalib-e-deedaar ke saath
گر مدینے کا تصور ہو تو ظلمت کیسی؟
ربط مضبوط رہے عالم انوار کے ساتھ
Gar Madine ka tasawwur ho to zulmat kaisi?
Rabt mazboot rahe Alam-e-Anwaar ke saath
یہ نہ ہوتا تو نہ بچ سکتے تجلی سے کلیمؑ
نور حضرتؐ کا بھی تھا طو رکے انوار کے ساتھ
Ye na hota to na bach sakte tajalli se Kaleem
Noor-e-Hazrat ka bhi tha Tor ke anwaar ke saath
انؐ کے جلوؤں نے کیا کون و مکاں کو روشن
حسن یوسفؑ کا رہا مصر کے بازار کے ساتھ
Un ke jaluon ne kya kon-o-makan ko roshan
Husn-e-Yusuf ka raha Misr ke Bazaar ke saath
پل سے مجھ سا بھی گنہگار گزر جائے گا
ہو گی سرکارؐ کی رحمت جو گنہگار کے ساتھ
Pul se mujh sa bhi gunehgaar guzar jaaye ga
Ho gi Sarkar ki rehmat jo gunehgaar ke saath
رات دن بھیج سلام انؐ پہ ملائک کی طرح
پڑھ درود انؐ پہ غلامان وفادار کے ساتھ
Raat din bhej salaam un pe Malaik ki tarah
Parh darood un pe ghulaman-e-wafadar ke saath
Share This Naat
Share with friends and family
ہم سوئے حشر چلیں گے شہؐ ابرار کے ساتھ
مظہر الدین مظہر