ہم خاک ہیں اور خاک ہی مَاوا ہے ہمارا
خاکی تو وہ آدم جَد اَعلیٰ ہے ہمارا
Hum khaak hain aur khaak hi mawaa hai hamara
Khaaki to woh aadam jad a'laa hai hamara
اللہ ہمیں خاک کرے اپنی طلب میں
یہ خاک تو سرکار سے تمغا ہے ہمارا
Allah humein khaak kare apni talab mein
Ye khaak to sarkar se tamgha hai hamara
جس خاک پہ رکھتے تھے قدم سیِّد عالم
اُس خاک پہ قرباں دلِ شیدا ہے ہمارا
Jis khaak pe rakhte the qadam sayyid-e-aalam
Us khaak pe qurbaan dil-e-sheida hai hamara
خم ہو گئی پشتِ فلک اس طعنِ زَمیں سے
سن ہم پہ مَدینہ ہے وہ رتبہ ہے ہمارا
Kham ho gayi pusht-e-falak is ta'an-e-zameen se
Sun hum pe Madina hai woh rutba hai hamara
اس نے لقبِ خاک شہنشاہ سے پایا
جو حیدرِ کرّار کہ مولیٰ ہے ہمارا
Is ne laqab-e-khaak shahenshah se paaya
Jo Haider-e-karrar ke maula hai hamara
اے مدّعیو! خاک کو تم خاک نہ سمجھے
اس خاک میں مدفوں شہِ بطحا ہے ہمارا
Ae mad'diyo! khaak ko tum khaak na samjhe
Is khaak mein madfoon shah-e-batha hai hamara
ہے خاک سے تعمیر مزارِ شہِ کونین
معمور اِسی خاک سے قبلہ ہے ہمارا
Hai khaak se taameer mazaar-e-shah-e-kounain
Ma'moor is hi khaak se qibla hai hamara
ہم خاک اڑائیں گے جو وہ خاک نہ پائی
آباد رضاؔ جس پہ مدینہ ہے ہمارا
Hum khaak urayenge jo woh khaak na payi
Aabaad Raza jis pe Madina hai hamara
Share This Naat
Share with friends and family
ہم خاک ہیں اور خاک ہی مَاوا ہے ہمارا
احمد رضا خان بریلوی