ہیں میرے پیر لاثانی محی الدین جیلانی
نبی کی شمع نورانی محی الدین جیلانی
hain mere pir lasani muhi-ud-din jelani
nabi ki shama noorani muhi-ud-din jelani
علی کے لاڈلے نورِ نگاہِ حضرتِ زَہرہ
رسول اللہ کے جانی محی الدین جیلانی
Ali ke laddle noor-e-nigaah-e-hazrat-e-zhahra
rasul Allah ke jani muhi-ud-din jelani
لقب ہے قطبِ رَبانی شرف محبوب سبحانی
ہے رُخ قندیلِ نورانی محی الدین جیلانی
laqab hai qutb-e-rabani sharaf mehboob subhani
hai rukh qandeel-e-noorani muhi-ud-din jelani
بِلَادُاللہِ مُلْکِیْ تَحْتَ حُکْمِیْ سے ہوئی ثابت
جہاں میں تیری سلطانی محی الدین جیلانی
biladullah mulki tahat hukmi se hui sabit
jahan mein teri sultani muhi-ud-din jelani
عَزُوْمٌ قَاتِلٌ عِنْدَ الْقِتَالِیْ شانِ عالی ہے
نہیں کوئی ترا ثانی محی الدین جیلانی
azoom qatil ind al-qiTal shan-e-aali hai
nahin koi tera sani muhi-ud-din jelani
بجز تیرے شہِ بغداد کوئی اور کیا جانے
میرے دل کی پریشانی محی الدین جیلانی
bajaz tere shah-e-Baghdad koi aur kya jane
mere dil ki pareshani muhi-ud-din jelani
فقیرِ قادری میں بادشاہِ قادری تم ہو
ہو دَردِ دِل کی دَرمانی محی الدین جیلانی
faqeer-e-Qadri mein badshah-e-Qadri tum ho
ho dard-e-dil ki darmani muhi-ud-din jelani
خوشی سے کردو مثلِ وَرْد میرے غنچۂ دِل کو
پئے سلطانِ سَمْنانی محی الدین جیلانی
khushi se kar do misl-e-ward mere ghuncha-e-dil ko
pae sultan-e-samnani muhi-ud-din jelani
تمہارا اِک اِشارہ ہو تو میرا کام بن جائے
رَفع ہو ساری حیرانی محی الدین جیلانی
tumhara ik ishara ho to mera kaam ban jaye
raff ho sari hairani muhi-ud-din jelani
مدد کا وقت ہے مشکل ُکشائی کے لیے آؤ
ہے بحرِ غم میں طغیانی محی الدین جیلانی
madad ka waqt hai mushkil kashaai ke liye aao
hai bahr-e-gham mein toghyani muhi-ud-din jelani
غلامِ دَرگہِ والا ہے سالکؔ پھر کدھر جائے
سنانے رَنجِ پنہانی محی الدین جیلانی
ghulam-e-darga-e-wala hai salik phir kidhar jaye
sunane ranj-e-pinhani muhi-ud-din jelani
Share This Naat
Share with friends and family
ہیں میرے پیر لاثانی محی الدین جیلانی
مفتی احمد یار نعیمی