ہیں مظہرِ ذاتِ حق رسولِ اَکرم
مختار و خلیفۂ خدائے عالم
Hain mazharr-e zaat-e Haq Rasool-e Akram
Mukhtar o khaleefah-e Khuda-e Aalam
صرف اُنکے سبب سے سب اُلوالعزم ہوئے
عیسیٰ موسیٰ خلیل و نوح و آدَم
Sirf unke sabab se sab Ulul Azm hue
Eesa Moosa Khaleel o Nooh o Adam
عالم کا اُنہیں خدا نے سلطان کیا
جبریلِ اَمیں کو ان کا دربان کیا
Aalam ka unhein Khuda ne sultan kiya
Jibraeel-e ameen ko unka darbaan kiya
ہر چیز کا اختیار ان کو دے کر
کونین کو حق نے ان کا مہمان کیا
Har cheez ka ikhtiyar unko de kar
Konain ko Haq ne unka mehman kiya
یارب مرے دل میں عشق اپنا دے دے
حُبِّ نبی کا سر میں سودا دے دے
Yarab mere dil mein ishq apna de de
Hubb-e nabi ka sar mein sauda de de
ہے بے سرو سامان جمیلِؔ رَضوی
رہنے کا مَدینے میں ٹھکانا دے دے
Hai be sar o saamaan Jameel-e Razvi
Rehne ka madeene mein thikana de de
سرکار کا فیض زیر و بالا دیکھا
ہر چیز میں نورِ شاہِ والا دیکھا
Sarkar ka faiz zer o baala dekha
Har cheez mein noor-e Shah-e wala dekha
ہے عرش سے فرش تک اسی کا جلوہ
جب غور کیا مَدینے والا دیکھا
Hai arsh se farsh tak usi ka jalwa
Jab ghoor kiya Madeene wala dekha
شاہا تری رحمت کا اِشارہ ہوجائے
روشن مرے بخت کا ستارہ ہوجائے
Shaha teri rehamat ka ishara ho jaye
Roshan mere bakht ka sitaara ho jaye
اس صانعِ مطلق کو جو آئی ہے پسند
وہ شکل مری آنکھ کا تارا ہوجائے
Iss san-e mutlaq ko jo aai hai pasand
Woh shakal meri aankh ka taara ho jaye
بتلائے کوئی نبی کا دیکھا سایہ
سایے کا بھی ہوتا ہے کسی جا سایہ
Batlaye koi Nabi ka dekha saaya
Saaye ka bhi hota hai kisi ja saaya
جب سایۂ نورِ اَزَلی وہ ٹھہرا
پڑتا کیوں کر زمین پر اُس کا سایہ
Jab saaya-e noor-e azali woh thehra
Parta kyun kar zameen par us ka saaya
کیوں حشر سے ڈر جائیں گدایانِ نبی
کیوں قبر میں گھبرائیں گدایانِ نبی
Kyun hashr se darr jayein gaddayan-e nabi
Kyun qabr mein ghabrayein gaddayan-e nabi
دنیا میں جو ہیں حبیبِ حق کے بندے
تا حشر ہے ان کے سر پہ دامانِ نبی
Duniya mein jo hain Habeeb-e Haq ke banday
Ta hashr hai unke sar pe daamaan-e nabi
ہیں کعبۂ کونین رَسول الثقلین
ہیں قبلۂ دارَین نبی الحرمَین
Hain Kaaba-e konain Rasool-ul Saqlain
Hain Qibla-e daarain Nabi-ul Haramain
کیوں دونوں جہاں نہ اُن کے دَر پر مانگیں
ہیں قاسم کل شئی جدّالحسنین
Kyun dono jahan na un ke dar par maangein
Hain Qasim kul shai Jadd-ul Hasanain
کیوں حشر میں بگڑی ہوئی حالت ہوگی
کب اُن کے غلاموں پہ قیامت ہوگی
Kyun hashr mein bigri hui haalat hogi
Kab unke ghulamoon pe qayaamat hogi
کیا خو ف کریں نارِ جہنم سے جمیلؔ
ہم پر تو وہاں نبی کی رحمت ہوگی
Kya khauf karein naar-e jahannam se Jameel
Hum par to wahan Nabi ki rehamat hogi
Share This Naat
Share with friends and family
ہیں مظہرِ ذاتِ حق رسولِ اَکرم
جمیل الرحمن قادری