ہیں درپئے آزار ستم گر، مرے سرورؐ
للہ۔۔۔۔ کرم کیجیے مجھ پر مرے سرورؐ
hain darpay-e-aazar sitam gar, meray sarwarؐ
lillah... karam kijye mujh par meray sarwarؐ
گلشن کی فضا ہے تہہ و بالا، شہِ والاؐ
بے رنگ ہے پھر روئے گلِ تر، مرے سرورؐ
gulshan ki fiza hai tah-e-o bala, shah-e-walaؐ
be rang hai phir roye gul-e-tar, meray sarwarؐ
پھر ہو مرا گل زارِ تمنا، تر و تازہ
ہو گلبنِ اُمید تناور، مرے سرورؐ
phir ho mera gul zar-e-tamanna, tar o taza
ho gulban-e-umeed tanawar, meray sarwarؐ
ہو مجھ کو عطا گریۂ پیہم، دلِ پُر غم
ہو عشق ترا میرا مقدّر، مرے سرورؐ
ho mujh ko ata giriye e peham, dil-e-pur gham
ho ishq tera mera muqaddar, meray sarwarؐ
پلکوں پہ رہے میری چراغاں، شہِ دوراںؐ
لب ہوں تری توصیف کے خوگر مرے سرورؐ
palkon pe rahe meri charaghan, shah-e-dauranؐ
lab hon teri tauseef ke khugar meray sarwarؐ
سرمایہء جاں ہو تری سیرت، تری طلعت
ہوں میرے شب و روز منور مرے سرورؐ
sarmaya-e-jaan ho teri seerat, teri talat
hon meray shab o roz manawar meray sarwarؐ
ہو مجھ کو عطا ذوقِ فراواں شہِ دوراں
ہر شعر ہو تاثیر میں برتر، مرے سرورؐ
ho mujh ko ata zauq-e-farawan shah-e-dauran
har she’r ho aseer mein bartar, meray sarwarؐ
ہے عجز کی دولت لیے حاضر ترا شاکر
ورنہ یہ نہیں کوئی ہنرور، مرے سرورؐ
hai ajz ki daulat liye hazir tera shakir
warna ye nahi koi hunarwar, meray sarwarؐ
Share This Naat
Share with friends and family
ہیں درپئے آزار ستم گر، مرے سرورؐ
سیّد شاکر القادری چِشتی نِظامی