ہے مشکل میں تیری یہ مخلوق ساری خدایا کرم کر خدایا کرم کر
ہمیں اس وبا سے ملے رستگاری خدایا کرم کر خدایا کرم کر
hai mushkil mein teri yeh makhlooq saari khudaya karam kar khudaya karam kar
humein is waba se miley rastaagari khudaya karam kar khudaya karam kar
یہ گاڑے ہیں پنجے مرض نے جو ہر سو مرض میں اضافہ ہوا جا رہا ہے
ہر اک پر ہوا ہے عجب خوف طاری خدایا کرم کر خدایا کرم کر
yeh gaare hain panje marz ne jo har su marz mein izafa hua ja raha hai
har ak par hua hai ajab khauf taari khudaya karam kar khudaya karam kar
بہائے ہیں جس کے لئے اشک غاروں میں جا کر نبیؐ نے کہ تو مان جائے
یہ تیرے پیمبرؐ کی اُمّت ہے پیاری خدایا کرم کر خدایا کرم کر
bahaaye hain jis ke liye ashk gharo mein ja kar Nabiؐ ne keh tu maan jaye
yeh teray paighambarؐ ki Ummat hai pyaari khudaya karam kar khudaya karam kar
ترِی بارگہ میں یہ بندے الٰہی گناہوں بھرے ہاتھ کیسے اٹھائیں
کہ خالی ہیں دامن ، عمل سے ہیں عاری خدایا کرم کر خدایا کرم کر
teray bargah mein yeh bande ilahi gunaahon bhare haath kaise uthayein
ke khaali hain daman, amal se hain aari khudaya karam kar khudaya karam kar
پھنسے ہیں الٰہی تِرے در سے پھر کر ، یہ در در کی ٹھوکر بنی ہے مقدر
یہ سر پر گناہوں کی گٹھڑی ہے بھاری خدایا کرم کر خدایا کرم کر
phansay hain ilahi tere dar se phir kar, yeh dar dar ki thokar bani hai muqaddar
yeh sar par gunaahon ki gathri hai bhaari khudaya karam kar khudaya karam kar
دعا ہر گھڑی ہے یہ اپنی زباں پر کہ پُختہ رہے بندگی کا تعلق
دمِ آخریں بھی رہے استواری خدایا کرم کر خدایا کرم کر
duaa har ghari hai yeh apni zabaan par ke pukhta rahe bandagi ka taalluq
dam-e aakhireen bhi rahe estawari khudaya karam kar khudaya karam kar
جلیلِ گنہ گار نادم ہے مولا ترِا جو کرم ہو ٹلے یہ تباہی
کرم کر دے مخلوق پر ذاتِ باری خدایا کرم کر خدایا کرم کر
Jaleel-e gunah gaar nadim hai mola tera jo karam ho talay yeh tabahi
karam kar de makhlooq par zaat-e baari khudaya karam kar khudaya karam kar
Share This Naat
Share with friends and family
ہے مشکل میں تیری یہ مخلوق ساری
حافظ عبدالجلیل