مری نظر مرے دل میری جاں کا مالک تو
مرے سکوت کا میرے بیاں کا مالک تو
Meri nazr mere dil meri jaan ka maalik tu
Mere sukut ka mere biyan ka maalik tu
مجھے تو لمحہ آئندہ کا بھی علم نہیں
نشاں کی تجھ کو خبرٗ بے نشاں کا مالک تو
Mujhe to lamha aindah ka bhi ilm nahi
Nishaan ki tujh ko khabrr bay nishaan ka maalik tu
قدم قدم تری تو فیقٗ رہ نما میری
رہِ یقیں سے گزرتے گماں کا مالک تو
Qadam qadam teri tofeeq rah numa meri
Reh-e-yaqeen se guzarte gumaan ka maalik tu
عدم وجود تری راہ کے مسافر ہیں
جہاں کوئی نہیں پہنچا وہاں کا مالک تو
Adam wujood teri raah ke musaafir hain
Jahan koi nahi pohancha wahan ka maalik tu
بہت قریب سے دیکھا ہے تجھ کو سجدے میں
نماز تیرے لئے ہے اذاں کا مالک تو
Bohat qareeb se dekha hai tujh ko sajde mein
Namaz tere liye hai azaan ka maalik tu
تیری رضا کے بغیر ایک سانس نا ممکن
مری " نہیں" ترے قبضے میں "ہاں" کا مالک تو
Teri raza ke baghair aik saans na mumkin
Meri "nahi" tere qabze mein "haan" ka maalik tu
برستی آنکھ کے پیچھے گھٹائیں ہیں تیری
دلوں میں بکھری ہوئی کہکشاں کا مالک تو
Barasti aankh ke peeche ghataayen hain teri
Dilon mein bikhri hui kahkashaan ka maalik tu
تیرے خیال سے آباد میری تنہائی
رگوں میں چلتے ہوئے کارواں کا مالک تو
Tere khayal se aabaad meri tanhai
Ragon mein chalte hue kaarwaan ka maalik tu
تمام رنگ بھرے کائنات میں تو نے
خوشی کا رنج کا سود و زیاں کا مالک تو
Tamam rang bhare kaainaat mein tu ne
Khushi ka ranj ka sood o ziyaa’n ka maalik tu
Share This Naat
Share with friends and family
مری نظر مرے دل میری جاں کا
مظفر وارثی