حبیبِ خدا کا نظارا کروں میں
دل و جان اُن پر نثارا کروں میں
Habeeb-e Khuda ka nazara karun main
Dil o jaan un par nisara karun main
تری کفشِ پا یوں سنوارا کروں میں
کہ پلکوں سے اس کو بُہارا کروں میں
Teri kafsh-e pa yun sawara karun main
Ke palkon se is ko buhara karun main
تری رحمتیں عام ہیں پھر بھی پیارے
یہ صدماتِ فرقت سہارا کروں میں
Teri rehmatain aam hain phir bhi pyare
Yeh sadmaat-e furqat sahara karun main
مجھے اپنی رحمت سے تو اپنا کرلے
سوا تیرے سب سے کنارا کروں میں
Mujhe apni rehmat se tu apna karle
Siva tere sab se kinara karun main
میں کیوں غیر کی ٹھوکریں کھانے جاؤں
ترے دَر سے اپنا گزارا کروں میں
Main kyun gair ki thokrain khanay jaoon
Tere dAr se apna guzara karun main
سلاسل مصائب کے اَبرو سے کاٹو
کہاں تک مصائب گوارا کروں میں
Salasal masaib ke abroo se katoo
Kahan tak masaib gawara karun main
خدارا اب آؤ کہ دَم ہے لبوں پر
دَمِ واپسیں تو نظارا کروں میں
Khuda rA ab aao ke dam hai labon par
Dame wapsain to nazara karun main
ترے نام پر سر کو قربان کرکے
ترے سر سے صدقہ اتارا کروں میں
Tere naam par sar ko qurban karke
Tere sar se sadqa utaara karun main
یہ اِک جان کیا ہے اگر ہوں کروروں
ترے نام پر سب کو وارا کروں میں
Yeh ik jaan kya hai agar hoon karoron
Tere naam par sab ko waara karun main
مجھے ہاتھ آئے اگر تاجِ شاہی
تری کفش پا پر نثارا کروں میں
Mujhe hath aaye agar taaj-e shahi
Teri kafsh pa par nisara karun main
ترا ذکر لب پر خدا دِل کے اندر
یونہی زندگانی گزارا کروں میں
Tera zikr lab par Khuda dil ke andar
Yunhi zindagani guzara karun main
دمِ واپسیں تک ترے گیت گاؤں
محمد محمد پکارا کروں میں
Dame wapsain tak tere geet gaon
Muhammad Muhammad pukara karun main
ترے دَر کے ہوتے کہاں جاؤں پیارے
کہاں اپنا دامن پسارا کروں میں
Tere dAr ke hote kahan jaoon pyare
Kahan apna daman pasara karun main
مرا دِین و اِیماں فرشتے جو پوچھیں
تمہاری ہی جانب اِشارہ کروں میں
Mera deen o eemaan farishtay jo poochain
Tumhari hi janib ishara karun main
خدا ایسی قوت دے میرے قلم میں
کہ بدمذہبوں کو سُدھارا کروں میں
Khuda aisi quwwat de mere qalam main
Ke badmazhbon ko sudhara karun main
جو ہو قلب سونا تو یہ ہے سہاگا
تری یاد سے دِل نکھارا کروں میں
Jo ho qalb sona to yeh hai suhaga
Teri yaad se dil nikhara karun main
خدا ایک پر ہو تو اِک پر محمد
اگر قلب اپنا دو پارا کروں میں
Khuda aik par ho to ik par Muhammad
Agar qalb apna do para karun main
خدا خیر سے لائے وہ دِن بھی نوریؔ
مدینے کی گلیاں بہارا کروں میں
Khuda khair se laaye woh din bhi Noori
Madinay ki galiyan bahara karun main
صبا ہی سے نوریؔ سلام اپنا کہہ دے
سوا اس کے کیا اور چارا کروں میں
Saba hi se Noori salam apna keh de
Siva is ke kya aur chara karun main
Share This Naat
Share with friends and family
حبیبِ خدا کا نظارا کروں میں
مفتی مصطفٰی رضا خان