حبیبِ خدا عرش پر جانے والے
وہ اِک آن میں جا کے پھر آنے والے
Habib-e Khuda arsh par jane walle
woh ik aan mein ja ke phir ane walle
خدا کو ان آنکھوں سے دیکھ آنے والے
وہ تفصیل سے سیر فرمانے والے
Khuda ko un aankhon se dekh ane walle
woh tafseel se sair farmane walle
وہ اَقصی میں معراج کی شب پہنچ کر
اِمامت نبیوں کی فرمانے والے
Woh aqsa mein mi'raj ki shab pohanch kar
Imaamat nabiyon ki farmane walle
وہ اُمی ہیں ایسے کہ فضلِ خدا سے
ہیں علمِ مُغِیبات سکھلانے والے
Woh ummi hain aise ke fazl-e Khuda se
hain ilm-e mughhibaate sikhlane walle
انہیں کی ہے عالم میں نافذ حکومت
یہی ہیں درختوں کے بلوانے والے
Unhi ki hai alam mein naafiz hukoomat
yehi hain darakhton ke bulwane walle
اِشارے سے ان کے قمر کے ہوئے دو
یہ ہیں دَم میں سورج کو لوٹانے والے
Isharay se un ke qamar ke hue do
ye hain dam mein sooraj ko lautane walle
انہیں کا لقب ہے شفیع غلاماں
یہ ہیں اَہلِ عصیاں کے بخشانے والے
Unhi ka laqab hai shafi' gulamaan
ye hain ahl-e isyan ke bukshane walle
رَہا ان کے ماتھے شفاعت کا سہرا
یہی ہیں گناہوں کے بخشانے والے
Raha un ke mathe shafaat ka sehr
yehi hain gunahon ke bukshane walle
یہی تو ہیں ہر قسم کی نعمتوں کے
زمانے میں تقسیم فرمانے والے
Yehi to hain har qism ki nematon ke
zamaane mein taqseem farmane walle
نہ کیونکر غنی دل ہوں ان کے کہ جو ہیں
حضورِ نبی ہاتھ پھیلانے والے
Na kyonkar ghani dil hoon un ke keh jo hain
huzoor-e nabi haath phelane walle
جو چاہو وہ مانگو جو مانگو وہ پاؤ
نہیں ہیں یہ اِنکار فرمانے والے
Jo chaho woh mango jo mango woh pao
nahi hain ye inkaar farmane walle
تمنا کُجا سلطنت چھوڑتے ہیں
ترے دَر پہ جھولی کو پھیلانے والے
Tamanna kaja sultanat chhodte hain
tere dar pe jholi ko phelane walle
نہ کیوں چمکیں کونین میں بدر ہو کر
ترے نامِ اَقدس پہ مٹ جانے والے
Na kyon chamkein konain mein badr ho kar
tere naam-e aqdas pe mit jane walle
پہنچتے ہیں مقصود کو اپنی جلدی
قدم راہِ مولیٰ میں دوڑانے والے
Pohanchte hain maqsood ko apni jaldi
qadam raah-e maula mein daurane walle
اَجل سر پہ ہے تیز چل سوئے طیبہ
مَدینے کے رَستے میں سستانے والے
Ajal sar pe hai tez chal soye Taiba
Madine ke raste mein sustane walle
کریں آکے نظارۂ سبز گنبد
جو اُونچا فلک کو ہے بتلانے والے
Karein aa ke nazara-e sabz gumbad
jo ooncha falak ko hai batlane walle
ہمارے ہی ہیں مُنتظر حور و غلماں
ہیں پہلے ہمیں خلد میں جانے والے
Hamare hi hain muntazir hoor o ghilman
hain pehle humein khald mein jane walle
ہمیں ناز ہے دشتِ طیبہ پہ زاہد
جو ہیں آپ جنت پہ اِترانے والے
Humein naaz hai dasht-e Taiba pe zahid
jo hain aap jannat pe itraane walle
گل خلد سے بدلوں میں خارِ طیبہ
ارے واہ شاباش للچانے والے
Gul khald se badloon mein khaar-e Taiba
are wah shabash lalchane walle
میں مجرم سہی پر نبی کے کرم سے
نہ روکیں گے مجھ کو کہیں تھانے والے
Main mujrim sahi par nabi ke karam se
na rokein ge mujh ko kahin thane walle
ہے سایہ فگن سر پہ پرچم نبی کا
نہیں مہرِ محشر سے گھبرانے والے
Hai saya fagan sar pe parcham nabi ka
nahi mehr-e mahshar se ghabrane walle
منادی کہے گا نہ گھبرائیں مجرم
اب آتے ہیں اُمت کے بخشانے والے
Munadi kahe ga na ghabrain mujrim
ab aate hain ummat ke bukshane walle
گنہگار کیا بلکہ ہیں انبیا بھی
تری ذات پر فخر فرمانے والے
Gunahgar kya balkih hain ambiya bhi
teri zaat par fakhr farmane walle
جگا دے خدارا مرا بختِ خفتہ
غلاموں کی قسمت کو چمکانے والے
Jaga de khudara mera bakht-e khufta
gulamon ki qismat ko chamkane walle
جو عالم کو کرتے ہیں روشن مہ و خور
وہ ہیں تیرے ذَرّوں سے شرمانے والے
Jo aalam ko karte hain roshan mah o khor
woh hain tere zarro se sharmane walle
اِدھر بھی کوئی بوند گیسو کا صدقہ
مرے اَبرِ رحمت کے برسانے والے
Idhar bhi koi boond gesu ka sadqa
mere abr-e rehmat ke barsane walle
جو اَچھوں کی قسمت میں ہے جام تیرا
بدوں کو بھی اِک بوند میخانے والے
Jo achhon ki qismat mein hai jaam tera
badon ko bhi ik boond maikhane walle
ہے جن کا وظیفہ اَغِثْنِیْ حَبِیْبِی
یہ ہیں ان کی اِمداد فرمانے والے
Hai jin ka wazifa aghithnee habibee
ye hain un ki imdad farmane walle
جو دنیا میں ہیں منکرِ اِستعانت
وہ ہوں گے قیامت میں پچھتانے والے
Jo duniya mein hain munkir-e ista'anat
woh hon ge qayamat mein pachtane walle
اَدب دل سے لازم ہے اے اہلِ محفل
حبیبِ خدا ہیں یہاں آنے والے
Adab dil se laazim hai aye ahl-e mehfil
Habib-e Khuda hain yahan ane walle
جلیں اور توصیفِ سرکار سن کر
جہنم کی آتش میں جل جانے والے
Jalein aur tauseef-e sarkaar sun kar
jahannum ki aatish mein jal jane walle
سناتا ہے قرآن مُوْتُوْا کا مژدہ
جلیں غیظ میں اپنے جل جانے والے
Sunata hai Quran mootoo ka mujda
jalein ghaiz mein apne jal jane walle
بنے گا تو بیشک جہنم کا کندہ
ارے نائبِ حق سے پھر جانے والے
Banega to bay shak jahannum ka kunda
are naib-e haq se phir jane walle
جو کہتے ہیں ان کو نہ تھا علم بالکل
وہ بے شبہ دوزخ میں ہیں جانے والے
Jo kehte hain un ko na tha ilm bilkul
woh be shuba doozakh mein hain jane walle
دُعا ہے کہ اَحباب میں ہو یہ چرچا
جمیلؔ اب مَدینے کو ہیں جانے والے
Dua hai ke ahbaab mein ho ye charcha
Jameel ab Madine ko hain jane walle
وہیں پر رَہوں اور وہیں جان نکلے
مَدینے کے ہوں لوگ دَفنانے والے
Wahin par rahoon aur wahin jaan nikle
Madine ke hoon log dafnane walle
Share This Naat
Share with friends and family
حبیبِ خدا عرش پر جانے والے
جمیل الرحمن قادری