گُلوں سے دل کی زمینوں کو بھردیا تو نے
ضمیر تیرہ کو گلنارکردیا تو نے
Gulon se dil ki zameenon ko bhar diya tu ne
Zameer teerah ko gulnaar kar diya tu ne
ہوائے تازہ سے مہکا دیا زمانے کو
مسافروں کو یہ برگِ سفر دیا تو نے
Hawa-e-taazah se mehka diya zamanay ko
Musafiron ko yeh barg-e-safar diya tu ne
شبِ سیاہ مسلّط تھی اس پہ مدّت سے
مری زمیں کو پیامِ سحر دیا تو نے
Shab-e-siyah musallat thi is pe muddat se
Meri zameen ko payam-e-sehar diya tu ne
عُبور کر کے خلا و ملا کی پہنائی
عجب تصّورِ فتح و ظفر دیا تو نے
Uboor kar ke khala o mala ki pehnai
Ajab tasawwur-e-fath o zafar diya tu ne
سُجھا کے نکتہ خَیّرُ الْاُ مُورِ اَ وْ سَطُہَا
مجھے توازنِ فِکر و نظر دیا تو نے
Sujha ke nukta khayrul umoor ausat-u-haa
Mujhe tawazun-e-fikr o nazar diya tu ne
برنگِ شمع جلے اور نظر کو ٹھنڈک دے
دلِ بشر کو مزاجِ قمر دیا تو نے
Barang-e-sham'a jale aur nazar ko thandak de
Dil-e-bashar ko mizaaj-e-qamar diya tu ne
غلام کیوں نہ تری عظمتوں کے گُن گائیں
جِنھیں تصّرفِ ہر خشک و تر دیا تو نے
Ghulam kyun na teri azmaton ke gun gayen
Jinhein tasarruf-e-har khushk o tar diya tu ne
فقیر کیوں نہ عطاؤں کے تذکرے چھیڑیں
سوال سے بھی جنھیں پیشتر دیا تو نے
Faqeer kyun na ataon ke tazkaray chhedain
Sawaal se bhi jinhen peshtar diya tu ne
رہیں گے جس کی حلاوت سے جسم و جاں سر شار
نخیلِ طبع کو ایسا ثمردیا تو نے
Rahein ge jis ki halawat se jism o jaan sarshar
Nakhale tab'a ko aisa samar diya tu ne
Share This Naat
Share with friends and family
گُلوں سے دل کی زمینوں کو بھردیا تو نے
حفیظ تائب