گو ہوں یکے از نغمہ سرایانِ محمد ﷺ
شاید کہ مری لے نہیں شایانِ محمد ﷺ
Go hoon yake az naghama sarayaan-e-Muhammad ﷺ
Shayad ke meri lay nahin shayaan-e-Muhammad ﷺ
ہے پاسِ ادب شرطِ نُخُستینِ مَحبّت
بد مست نہ ہوں زمزمہ سنجانِ محمد ﷺ
Hai paas-e-adab shart-e-nukhustin-e-mohabbat
Bad mast nah hoon zamzamah sanjaan-e-Muhammad ﷺ
جو بھی ہے تجلی کہیں پھوٹی ہے یہیں سے
ہے مطلعِ ہر مہر، گریبانِ محمد ﷺ
Jo bhi hai tajalli kahin phooti hai yahi se
Hai matla-e-har mehr, garybaan-e-Muhammad ﷺ
ظلمت کدہِ دہر میں لو دیتی رہے گی
تا صبحِ ابد شمعِ فروزانِ محمد ﷺ
Zulmat kada-e-dahr mein lo deti rahe gi
Taa subh-e-abad sham'a-e-faroozan-e-Muhammad ﷺ
سورج کی طرح یہ بھی دلیل آپ ہے اپنی
محتاجِ نظائر نہیں برہانِ محمد ﷺ
Sooraj ki tarah yeh bhi daleel aap hai apni
Muhtaj-e-nazaair nahin burhaan-e-Muhammad ﷺ
دیں اس کی صداقت کی تو منکر بھی گواہی
ہے مثلِ حرم حرمتِ پیمانِ محمد ﷺ
Deen us ki sadaqat ki to munkir bhi gawahi
Hai masal-e-haram hurmat-e-paimaan-e-Muhammad ﷺ
آئینہِ اسکندر و پیمانہِ جمشید
ہر سنگ رہے آبلہ پایانِ محمد ﷺ
Aaina-e-Iskandar o paimana-e-Jamshid
Har sang rahe aabala payaan-e-Muhammad ﷺ
جانے کہ نہ جانے کوئی مانے کہ نہ مانے
ہر دور ہے بہرہ ورِ فیضانِ محمد ﷺ
Jaane ke na jaane koi maane ke na maane
Har daur hai bahra war-e-fayzan-e-Muhammad ﷺ
اقرار سے ممکن ہے کہ مانع ہو تعصب
ہر قوم پہ ہے بیش و کم احسانِ محمد ﷺ
Iqraar se mumkin hai ke maani' ho ta'asub
Har qaum pe hai beesh o kam ehsaan-e-Muhammad ﷺ
ظاہر بھی نہاں بھی صفتِ لفظ و معانی
ادراکِ بشر سے ورا شانِ محمد ﷺ
Zahir bhi naha'n bhi sifat-e-lafz o ma'aani
Idraak-e-bashar se waraa shaan-e-Muhammad ﷺ
خاکی بھی ہے نوری بھی پیمبر بھی بشر بھی
ہے بھی کہیں یارب حدِ امکانِ محمد ﷺ
Khaki bhi hai noori bhi paimbar bhi bashar bhi
Hai bhi kahin ya Rab hadd-e-imkaan-e-Muhammad ﷺ
تا حشر در و دشت کو مہکاتی رہے گی
خوشبوئے گلِ سنبل و ریحانِ محمد ﷺ
Taa hashr dar o dasht ko mehkati rahe gi
Khushboo-e-gul-e-sumbul o reehan-e-Muhammad ﷺ
مستقبلِ تہذیب ہے مخدوش، نہ جب تک
دستورِ زمانہ بنے قرآنِ محمد ﷺ
Mustaqbil-e-tehzeeb hai makhdush, nah jab tak
Dastoor-e-zamana bane Qur'an-e-Muhammad ﷺ
ہم فرد ہیں جس ملتِ بیضا کے اسے بھی
حاصل نہیں حاصل نہیں عرفانِ محمد ﷺ
Hum fard hain jis millat-e-baizaa ke usay bhi
Haasil nahin haasil nahin irfaan-e-Muhammad ﷺ
تاویلِ احادیث کا آتا ہو جسے علم
ایسا نہ ملا کوئی زباں دانِ محمد ﷺ
Taweel-e-ahadees ka aata ho jisay ilm
Aisa nah mila koi zabaan daan-e-Muhammad ﷺ
دل خوب سمجھتا ہے مَحبت کے تقاضے
ہر کسبِ کمال اس کا ہے قربانِ محمد ﷺ
Dil khoob samajhta hai mohabbat ke taqaazay
Har kasb-e-kamaal iska hai qurbaan-e-Muhammad ﷺ
کیا جانیے کس بات پہ دنیا کو گماں ہے
خالؔد بھی ہے منجملہِ خاصانِ محمد ﷺ
Kya janiye kis baat pe duniya ko gumaan hai
Khalid bhi hai manjumla-e-khasaan-e-Muhammad ﷺ
Share This Naat
Share with friends and family
گو ہوں یکے از نغمہ سرایانِ محمد ﷺ
عبدالعزیز خالد