غُلامی میں رہے پُختہ تو اُمّیدِ صلہ رکھنا
صلہ دیں گے ضرور آقا بس اُن سے تُم وفا رکھنا
Ghulami mein rahe pukhta to umeed-e-sila rakhna
Sila den ge zarur aqa bas un se tum wafa rakhna
نہ جانے کس گھڑی دل میں قدم رنجا وہ فرمائیں
دلِ مُضطر کا دروازہ ہمیشہ ہی کُھلا رکھنا
Na jane kis ghari dil mein qadam ranja woh farmaen
Dil-e-muztar ka darwaza hamesha hi khula rakhna
گُنہ گاروں پہ جب مُشکل بنے میدانِ محشر میں
غُلاموں پر مرے آقا ! کرم کا سلسلہ رکھنا
Gunah garon pe jab mushkil bane meedan-e-mahshar mein
Ghulamon par mere aqa! karam ka silsila rakhna
جو کی مدح و ثنا اُن کی ،لحد میں وہ سُنا دینا
یہی تو کُل اثاثہ ہے ، اِسی کو بس بچا رکھنا
Jo ki madah o sana un ki, lahd mein woh suna dena
Yahi to kul asasa hai, isi ko bas bacha rakhna
قضا آئے مدینے میں ، وہیں پر ہو لحد اپنی
سِوا اِس کےبھلا خواہش کوئی دل میں ہی کیا رکھنا
Qaza aaye Madine mein, wahi par ho lahd apni
Siwa is ke bhala khwahish koi dil mein hi kya rakhna
سمو کر سبز گُنبد کو نگاہوں میں جلیل اپنی
لحد میں روشنی ہوگی ، اُسے دل میں بسا رکھنا
Simo kar sabz gumbad ko nigahon mein jaleel apni
Lahd mein roshni hogi, use dil mein basa rakhna
Share This Naat
Share with friends and family
غُلامی میں رہے پُختہ تو اُمّیدِ صلہ رکھنا
حافظ عبدالجلیل