غماں نے لا لیا ہر طرف ڈیرا یا رسول اللہ
تے ٹُٹا آس میری دا بنیرا یا رسول اللہ
Ghamma'n ne la liya har taraf dera ya Rasool Allah
Te tuta aas meri da benera ya Rasool Allah
کدوں مکے گی کالی رات ایہہ میرے مقدر دی
کدوں ہووے گا خُوشیاں دا سویرا یا رسول اللہ
Kad'o'n makay gi kaali raat eh mere muqaddar di
Kad'o'n hovay ga khushiya'n da sawera ya Rasool Allah
سی جس تھیں توڑیا چن نوں اشارے اوسدے صدقے
میرے غم دا وی سُٹو توڑ گھیرا یا رسول اللہ
Si jis thaan todiya chan nu'n ishare osde sadqe
Mere gham da vi suto tor ghera ya Rasool Allah
جناب فاطمہ تے شبر و شبیر دے صدقے
مدینے وچ پوے میرا وی پھیرا یا رسول اللہ
Janab Fatima te Shabbir o Shabeer de sadqe
Madine vich poye mera vi phera ya Rasool Allah
رُخ والفجر اُتوں گیسوئے والیل سرکا کے
مٹا دیناں میرے دل دا ہنھیرا یا رسول اللہ
Rukh-walfajr utto'n geso-e-walail serka ke
Mita dina'n mere dil da hnhera ya Rasool Allah
مدینے جان دی مُٹر کے ناں ہوئی آس پوری اے
میں اپنا زور لایا اے بتھیرا یا رسول اللہ
Madine jaan di mut'r ke naa hoi aas poori ae
Main apna zor laya ae bathera ya Rasool Allah
بڑا مجرم ، بڑا بدکار ، پاپی تے کمینہ اے
قصیدہ گو مگر صائم ہے تیرا یارسول اللہ
Bara mujrim, bara badkaar, papi te kameena ae
Qaseeda go magar Sa'im hai tera ya Rasool Allah
Share This Naat
Share with friends and family
غماں نے لا لیا ہر طرف ڈیرا یا رسول اللہ
علامہ صائم چشتی