بخت میرا جو محبت میں رسا ہو جائے
میری تقدیر، مدینے کی فضا ہو جائے
Bakht mera jo mohabbat mein rasa ho jaye
Meri taqdeer, Madinay ki fiza ho jaye
کاش مقبول مِرے دل کی دُعا ہوجائے
ایک سجدہ درِ مولاؐ پہ ادا ہوجائے
Kaash maqbool mere dil ki dua ho jaye
Ek sajda dar-e-Moula pe ada ho jaye
اُس کی تعظیم کو اُٹھتے ہیں سلاطینِ جہاں
ترے کُوچے سے جو منسوب گدا ہو جائے
Us ki taazim ko utthtay hain salateen-e-jahan
Tere koochay se jo mansoob gada ho jaye
لے بھی آ زلفِ پیمبرؐ کی مہک، دیر نہ کر
اے صبا! مجھ پہ یہ احسا ذرا ہو جائے
Le bhi aa zulf-e-Peyambar ki mehak, der na kar
Ae saba! mujh pe ye ehsa zara ho jaye
اُس کو اپنی ہی خبر ہو ، نہ دو عالَم کا خیال
جو بھی دیوانۂ محبوبِؐ خدا ہو جائے
Us ko apni hi khabar ho, na do alam ka khayal
Jo bhi deewana-e-mehboob-e-Khuda ho jaye
مَیں مدینے کی زیارت سے بہت خوش ہُوں مگر
چاہتا ہُوں کہ یہ مسکن ہی مِرا ہو جائے
Main Madinay ki ziarat se bohat khush hoon magar
Chahta hoon ke ye maskan hi mera ho jaye
اُنؐ کے دامن کو مِرے ہاتھ کسی دن چھُو لیں
کچھ نہ کچھ حقِّ عقیدت تو ادا ہوجائے
Un ke daman ko mere hath kisi din choo lein
Kuch na kuch haq-e-aqeedat to ada ho jaye
وہ سرِ طُور ہو یا مِصر کا بازارِ حَسیں
وہ جہاں چاہے، وہاں جلوہ نُما ہو جائے
Woh sar-e-Toor ho ya Misr ka bazaar-e-Haseen
Woh jahan chahe, wahan jalwa numa ho jaye
اب بُلا لو، کہ مجھے دَم کا بھروسہ نہ رہا
نہیں معلوم کسی وقت بھی کیا ہوجائے
Ab bula lo, ke mujhe dam ka bharosa na raha
Nahi maloom kisi waqt bhi kya ho jaye
میرے نزدیک مقدّر کا دھنی ہے وہ نصیرؔ
جس پہ اُن کی نظرِ لُطف و عطا ہوجائے
Mere nazdeek muqaddar ka dhani hai woh Naseer
Jis pe un ki nazar-e-lutf o ata ho jaye
Share This Naat
Share with friends and family
بخت میرا جو محبت میں رسا ہو جائے
سید نصیرالدیں نصیر