فضا میں نکہتِ صلِ علیٰ ہے
کہ ذکرِ سیرتِ خیر الوریٰ ہے
Fiza mein nighat-e-sal-e-ala hai
ke zikr-e-seerat-e-khaiyr-ul-wara hai
تقدس گوشے گوشے سے عیاں ہے
کہ یہ بزم محمد مصطفےٰ ﷺ ہے
Taqaddus ghoshe ghoshe se ayan hai
ke yeh bazm Muhammad Mustafa ﷺ hai
محمدﷺ جو شہِ کو ن و مکاں ہیں
رسائی جن کی تا عرشِ علیٰ ہے
Muhammad ﷺ jo shah-e-kon o makan hai
rasai jin ki ta arsh-e-ala hai
محمد ﷺ جو ہیں محبوبی سراپا
جنہیں اللہ بے حد چاہتا ہے
Muhammad ﷺ jo hain mahboobi sarapa
jinhein Allah bay hadd chahta hai
محمدﷺ جو ہیں اسمِ بامسمیٰ
کہ ان کی ذاتِ اقدس مصطفےٰ ﷺ ہے
Muhammad ﷺ jo hain ism-e-bamusamma
ke un ki zaat-e-aqdas Mustafa ﷺ hai
جو ہیں رحمت نظر انوار پیکر
وجودِ پاک جن کا مجتبیٰ ہے
Jo hain rehmat nazar anwar paikar
wujud-e-pak jin ka mujtaba hai
جو ہیں واحد سہارا عاصیوں کا
شفاعت جن کے ماتھے پر لکھا ہے
Jo hain wahid sahara asion ka
shafaat jin ke mathe par likha hai
کرم تو ہے ہمیشہ سے ہی ہم پر
سبب لیکن کرم کا اب کھلا ہے
Karam to hai hamesha se hi hum par
sabab lekin karam ka ab khula hai
اب اس سے بڑھ کے کیا ہوگا تحفظ؟
ہمارا گھر بھی اب رحمت کدہ ہے
Ab is se barh ke kya hoga tahafuz?
hamara ghar bhi ab rehmat kada hai
Share This Naat
Share with friends and family
فضا میں نکہتِ صلِ علیٰ ہے
پروفیسراقبال عظیم