فخرِ دو عالم نورِ مجسم رحمت سے بھرپور
رب نے انھیں بخشے ہیں خزانے نعمت سے بھرپور
Fakhr-e-do aalam noor-e-mujassam rehmat se bharpoor
Rab ne inhein bakshe hain khazane naimat se bharpoor
صلی اللہ علیہ وسلم ورد رہے ہر سانس
من ہو ہمارا ہر دم اچھی عادت سے بھرپور
Sallallahu alaihi wasallam wird rahe har saans
Man ho hamara har dam achi adat se bharpoor
اِنَّا اَعْطَیْنٰکَ الْکَوْثَر قرآں کا اعلان
میرے نبی اوصاف میں یکتا کثرت سے بھرپور
Inna atainaka al-kausar Quran ka ailaan
Mere Nabi ausaf mein yakta kasrat se bharpoor
ثُمَّ دَنَا فَتَدلیٰ کا منصب کس کو حاصل
ہاں اک میرے آقا ہی ہیں رفعت سے بھرپور
Thumma dana fatadalla ka mansab kis ko haasil
Haan ek mere aaqa hi hain rufat se bharpoor
حضرتِ جابر کے گھر کی دعوت کی تھی کیا شان
ریزہ ریزہ مالکِ کل کی برکت سے بھرپور
Hazrat-e-Jabir ke ghar ki dawat ki thi kya shaan
Reza reza malik-e-kul ki barkat se bharpoor
میں نے درِ کعبہ سے لپٹ کر مانگی ایک دعا
یا رب رکھنا عشقِ نبی کی لذت سے بھرپور
Maine dar-e-Kaaba se lipt kar maangi ek dua
Ya Rab rakhna ishq-e-Nabi ki lazat se bharpoor
شہرِ مدینہ میں ترے صدقے میں تیرے قربان
تیری زمیں کا ذرہ ذرہ طلعت سے بھرپور
Shehr-e-Madina mein tere sadqe mein tere qurban
Teri zameen ka zarra zarra talat se bharpoor
مکہ کی گلیاں جس کی مہک سے مہکیں صبح و شام
وہ ہے پسینہ میرے نبی کا نکہت سے بھرپور
Makka ki galiyan jis ki mehak se mehkien subah o shaam
Woh hai paseena mere Nabi ka nukhat se bharpoor
مسجدِ نبوی گنبدِ خضریٰ روضہء پاک حضور
رشکِ ارم ہے اور بہارِ جنت سے بھرپور
Masjid-e-Nabwi gunbad-e-khazra rauza-e-pak Huzoor
Rashk-e-Iram hai aur bahar-e-Jannat se bharpoor
آقا سورج تارے صحابہ کہکشاں آلِ نبی
ہر اک اپنی اپنی جگہ ہے عظمت سے بھرپور
Aaqa suraj tare sahaba kahkashan Aale Nabi
Har ek apni apni jagah hai azmat se bharpoor
یاں بھی ہیں جلتے واں بھی جلیں گے آقا کے دشمن
نامہء اعمال ان کا رہے گا لعنت سے بھرپور
Yaan bhi hain jalte waan bhi jalein ge aaqa ke dushman
Nama-e-aamal un ka rahega lanat se bharpoor
محشر میں نظمی کو بچانے آئیں گے نانا جان
میرے سر پر ہاتھ رکھیں گے شفقت سے بھرپور
Mahshar mein Nazmi ko bachane aayenge nana jaan
Mere sar par haath rakhenge shafqat se bharpoor
Share This Naat
Share with friends and family
فخرِ دو عالم نورِ مجسم رحمت سے بھرپور
سید آل رسول حسنین میاں برکاتی نظمی