naat
فہمِ بشر سے اونچی ہے تقریرِ والضحٰی
فہمِ بشر سے اونچی ہے تقریرِ والضحٰی
خاکی زبان کیا کرے تفسیرِ والضحٰی
Fahm-e-bashar se oonchi hai taqreer-e-wadduha
Khaki zaban kya kare tafseer-e-wadduha
ظلمت کدوں کے دل میں یہ پیوست ہو گئی
شانِ عجب لئے ہوئے شمشیرِ والضحٰی
Zulmat kadon ke dil mein ye pewast ho gayi
Shaan-e-ajab liye hue shamshir-e-wadduha
اے باسیانِ تِیرہ مقدر ! اٹھو چلو
وہ بٹ رہی ہے دیکھ لو تنویرِ والضحٰی
Ae basiyan-e-teera muqaddar! Utho chalo
Woh bat rahi hai dekh lo tanweer-e-wadduha
تحت السرٰی تا عرش تو معلوم حد ہوئی
از، تا ،کی حد سے بڑھ کے ہے جاگیرِ والضحٰی
Taht-us-sira ta arsh to maaloom had hui
Az, ta, ki had se barh ke hai jageer-e-wadduha
حبِّ کمال اور خدا کی نگاہِ خاص
اس کے سوا ہے کیا بھلا اکسیرِ والضحٰی
Hubb-e-kamaal aur khuda ki nigah-e-khaas
Is ke siwa hai kya bhala akseer-e-wadduha
اِس کے لئے ضروری نہیں شقِّ صدر ہو
برہانِ حُسنِ قلب ہے تذکیرِ والضحٰی
Is ke liye zaroori nahi shaq-e-sadr ho
Burhan-e-husn-e-qalb hai tazkeer-e-wadduha
اس لفظ کے حجاب اٹھیں اُس کے واسطے
مشرب ہو جس کسی کا بھی تشہیرِ والضحٰی
Is lafz ke hijab uthain us ke wastay
Mashrab ho jis kisi ka bhi tashheer-e-wadduha
صرف اس لئے لحد سے تبسم ہے بے خطر
ہو گی وہاں پہ رویتِ تصویرِ والضحٰی
Sirf is liye lahd se tabassum hai be khatar
Ho gi wahan pe rooyat-e-tasweer-e-wadduha
Share This Naat
Share with friends and family
فہمِ بشر سے اونچی ہے تقریرِ والضحٰی
حافظ محمد ابوبکر تبسمؔ