عیدِ میلاد النّبی فَلیَفرَحُوا
فضل کی چادر تنی فَلیَفرَحُوا
Eid-e-Milad-un-Nabi falyafrahu
Fazl ki chadar tuni falyafrahu
رحمت و برکت کا ہوتا ہے نزول
ہے مسرّ ت کی گھڑی فَلیَفرَحُوا
Rehmat o barkat ka hota hai nzool
Hai musarrat ki ghari falyafrahu
بٹ رہا ہے نُور کا صدقہ یہاں
صبح بطحا میں ہوئی فَلیَفرَحُوا
Bat raha hai noor ka sadqa yahan
Subah e But'ha mein hui falyafrahu
چاند تارے جھک پڑے سوئے زمیں
سب کی جھولی بھر گئی فَلیَفرَحُوا
Chaand tare jhuk pade soe zameen
Sab ki jholi bhar gayi falyafrahu
ہیں بہاریں گلستاں در گلستاں
ان کی تشریف آوری فَلیَفرَحُوا
Hain baharain gulistan dar gulistan
Un ki tashreef aawari falyafrahu
منہ چھپاتی بھاگتی ہیں ظلمتیں
ہر طرف ہے روشنی فَلیَفرَحُوا
Munh chhupati bhagti hain zulmatain
Har taraf hai roshni falyafrahu
دھوم تھی توحید کی چاروں طرف
منہ کے بل تھی آذری فَلیَفرَحُوا
Dhoom thi touheed ki chaaron taraf
Munh ke bal thi azaari falyafrahu
قصر ہائے خسرواں میں زلزلے
بہہ چلی ساوہ ندی فَلیَفرَحُوا
Qasr haaye khusrwaan mein zalzale
Beh chali Saweh nadhi falyafrahu
وہ محمّد ابنِ عبداللہ ہوئے
پایا احمد نام بھی فَلیَفرَحُوا
Woh Muhammad bin Abdullah huwe
Paya Ahmed naam bhi falyafrahu
فضل و رحمت جب بھی پاؤ مومنو
حکمِ رَبیّ ہے یہی فَلیَفرَحُوا
Fazl o rehmat jab bhi pao momino
Hukm-e-Rabbi hai yahi falyafrahu
مل گیا نوری کو اذنِ نعت پھر
اب نہیں کوئی کمی فَلیَفرَحُوا
Mil gaya Noori ko izn-e-naat phir
Ab nahi koi kami falyafrahu
Share This Naat
Share with friends and family
عیدِ میلاد النّبی فَلیَفرَحُوا
محمد ظفراقبال نوری