دنیا سے دین دین سے دنیا سنوار دے
دونوں جہان مالک و مولا سنوار دے
duniya se deen deen se duniya sanwar de
donon jahan maalak o maula sanwar de
فرداؤں میں جلیں مرے امروز کے چراغ
انداز میرے فکر و نظر کا سنوار دے
furdaon mein jalein mere emroz ke charagh
andaaz mere fikr o nazar ka sanwar de
لکھوں میں پھر عمل سے سفرنامہء حیات
خط میرا صاف کر مرا املا سنوار دے
likhu mein phir amal se safarnama-e-hayat
khat mera saaf kar mera imla sanwar de
گرد و غبارِ وقت نے پہچان چھین لی
تاریخ کا مری رخِ زیبا سنوار دے
gird o ghubar-e-waqt ne pehchan cheen li
tareekh ka meri rukh-e-zeba sanwar de
ہر ایک بال میں ہے گرہ سی پڑی ہوئی
کہہ دے ہوا سے زلفِ تمنا سنوار دے
har aik baal mein hai giraah si pari hui
keh de hawa se zulf-e-tamanna sanwar de
بینائیوں کو سب کی پرو لوں نگاہ میں
سب آئیں مجھ کو دیکھنے ایسا سنوار دے
bainaiyon ko sab ki paro loon nigah mein
sab aayein mujh ko dekhne aisa sanwar de
میں زندگی کو آئینہ خانے میں رکھ سکوں
ہر زاویے سے مجھ کو خدایا سنوار دے
mein zindagi ko aina khane mein rakh sakoon
har zawiye se mujh ko khudaya sanwar de
محتاج تیرے عفو و کرم کی ہیں سب رتیں
پت جھڑ سنوار دے مری برکھا سنوار دے
mohtaaj tere afu o karam ki hain sab ratein
pat jhad sanwar de meri barkha sanwar de
جذبات کے محل میں نہیں تجھ سے مانگتا
میرے ضمیر و ذہن کی کٹیا سنوار دے
jazbaat ke mehal mein nahi tujh se maangta
mere zameer o zehan ki katiya sanwar de
قائم یہ سرزمین بھی ہے لا الہ پر
اس کو بھی مثلِ مکہ و بطحا سنوار دے
qaim yeh sarzameen bhi hai la ilah par
is ko bhi misal-e-makka o batha sanwar de
Share This Naat
Share with friends and family
دنیا سے دین دین سے دنیا سنوار دے
مظفر وارثی