دوسرا کون ہے، جہاں تو ہے
کون جانے تجھے کہاں تو ہے
Dosra kaun hai, jahan tu hai
Kaun janay tujhe kahan tu hai
لاکھوں پردوں میں تو ہے بے پردہ
سو نشانوں میں تو بے نشاں تو ہے
Lakho pardoon mein tu hai be parda
So nishanon mein tu be nishaan tu hai
تو ہے خلوت میں تو ہے جلوت میں
کہیں پنہاں، کہیں عیاں تو ہے
Tu hai khalwat mein tu hai jalwat mein
Kahin pinhan, kahin ayan tu hai
نہیں تیرے سوا یہاں کوئی
میزباں تو ہے، مہماں تو ہے
Nahi tere siwa yahan koi
Maizban tu hai, mehman tu hai
نہ مکاں میں نہ لامکاں میں کچھ
جلوہ فرما یہاں وہاں تو ہے
Na makan mein na la makan mein kuch
Jalwa farma yahan wahan tu hai
رنگ تیرا چمن میں، بو تیری
خوب دیکھا تو، باغباں تو ہے
Rang tera chaman mein, boo teri
Khoob dekha to, baghban tu hai
محرم راز تو بہت ہیں امیرؔ
جس کو کہتے ہیں رازداں، تو ہے
Mahram raaz tu bohat hain Ameer
Jis ko kehtay hain raazdan, tu hai
Share This Naat
Share with friends and family
دوسرا کون ہے، جہاں تو ہے
امیر مینائی