دن رات جدے مکھڑے توں لیندے نیں اجالا
اوہ میرا نبی ساری خدائی توں نرالا
Din raat jade mukhre ton lende ne ujala
Oh mera Nabi saari khudai ton nirala
سرکار دو عالم دیاں قدماں دی بدولت
مکے تے مدینے دی ہوئی شان دوبالا
Sarkar do alam diyan qadman di badolat
Makke te Madine di hui shaan dobaala
اوہ مست نظر نال خدا مست بناؤندے
پیتا اے جنہاں اوہدی محبت دا پیالہ
Oh mast nazar nal Khuda mast banaonde
Peeta ae jinnan ohdi mohabbat da piyaala
تعریف لخی سوہنے دی، سوہنے نوں سنائی
حسانؓ نے پایا اے عقیدت دا دوشالہ
Tareef lakhhi sohne di, sohne nu sunai
Hassaanؓ ne paya ae aqeedat da doshaala
مشکل اے بنی جد وی مری جان تے کوئی
بنیا اے مددگار اہدے ناں دا حوالہ
Mushkil ae bani jad vi meri jaan te koi
Baniya ae madadgar ehde naan da hawala
میری تے کمائی اے اہدے در دی گدائی
صدقہ اے اہدے ناں دا، مرے منہ دا نوالہ
Meri te kamai ae ehde dar di gadai
Sadqa ae ehde naan da, mare munh da nawala
نعتاں پیا پڑھدا رہوے دن رات ظہوریؔ
سرکار دا دیوانہ اے، جیوندا رہوے شالا
Naatan piya padhna rahe din raat Zahooriؔ
Sarkar da deewana ae, jeonda rahe shala
Share This Naat
Share with friends and family
دن رات جدے مکھڑے توں لیندے نیں اجالا
محمد علی ظہوری