دلوں کی جوت جگا دو کہ روشنی ہو جائے
بجھے چراغ جلادو کہ روشنی ہو جائے
Dilon ki jot jaga do ke roshni ho jaye
Bujhe charagh jala do ke roshni ho jaye
تمہارے پاس اگر اب بھی کچھ تبسم ہیں
انہیں لبوں پہ سجا دو کہ روشنی ہو جائے
Tumhare pas agar ab bhi kuch tabassum hain
Unhen labon pe saja do ke roshni ho jaye
تم اپنے گھر میں جو خوشیاں چھپائے بیٹھے ہو
وہ غم کدوں میں لٹا دو کہ روشنی ہوجائے
Tum apne ghar mein jo khushiyan chhupaye baithe ho
Wo gham kadon mein luta do ke roshni ho jaye
جو زخم سینوں میں روشن ہیں مدّت سے
وہ زخم سب کو دکھا دو کہ روشنی ہو جائے
Jo zakham seenon mein roshan hain muddat se
Wo zakham sab ko dikha do ke roshni ho jaye
اگر چراغ بھی روشن نہ کرسکیں گھر کو
تو گھر میں آگ لگا دو کہ روشنی ہو جائے
Agar charagh bhi roshan na kar sakin ghar ko
To ghar mein aag laga do ke roshni ho jaye
بصدِ ادب شہ کونینﷺ سے یہ عرض کرو
چراغِ طور جلادو کہ روشنی ہو جائے
Bashr-adab Shah-e-Kainat ﷺ se ye arz karo
Charagh-e-Toor jala do ke roshni ho jaye
اب انتظارِ سحر کی کسی میں تاب نہیں
نقابِ رُخ سے اٹھا دو کہ روشنی ہوجائے
Ab intezar-e-sehar ki kisi mein tab nahi
Niqab-e-Rukh se utha do ke roshni ho jaye
تمہارے بس میں اگر اور کچھ نہ ہو اقبؔال
تو ایک نعت سنا دو کہ روشنی ہو جائے
Tumhare bas mein agar aur kuch na ho Iqbal
To ek naat suna do ke roshni ho jaye
Share This Naat
Share with friends and family
دلوں کی جوت جگا دو کہ روشنی ہو جائے
پروفیسراقبال عظیم