دل تمہاری دید کا جس دن سے خواہاں ہو گیا
سارا گلشن میری نظروں میں بیاباں ہو گیا
Dil tumhari deed ka jis din se khwahaan ho gaya
Sara gulshan meri nazron mein beabaan ho gaya
پڑ گئی جس پر شعاعِ روئے تابانِ رسول
ذرّۂِ ناچیز بھی مہرِ درخشاں ہو گیا
Par gayi jis par shuaa-e-roye tabaan-e-Rasool
Zarra-e-nacheez bhi mehr-e-derakhshaan ho gaya
وہ سراپائے کرم ہیں میں ہوں محتاجِ کرم
یہ تعلق راحتِ دل، راحتِ جاں ہو گیا
Woh saraanaye karam hain main hoon muhtaaj-e-karam
Ye taaluq raahat-e-dil, raahat-e-jaan ho gaya
مٹ گیا کفر و ضلالت کا اندھیرا دہر سے
مہر جب رشد و ہدایت کا درخشاں ہوگیا
Mit gaya kufr o dalaalat ka andhera dehr se
Mehr jab roshd o hidaayat ka derakhshaan ho gaya
بےخودی میں اُن کاجلوہ روبرو تھا خوب تھا
’’ہوش میں آنا حجابِ روئے جاناں ہوگیا ‘‘
Bekhudi mein un ka jalwa roobaru tha khoob tha
"Hosh mein ana hijaab-e-roye jaanan ho gaya"
جھلکیاں نورِ خدا کی تھیں نظر کے سامنے
جس نے دیکھا آپ کا جلوہ وہ حیراں ہوگیا
Jhalakiyan noor-e-Khuda ki thein nazar ke saamne
Jis ne dekha aap ka jalwa woh hairaan ho gaya
گِھر کے طوفاں میں پکارا جب اغثنی یا نبی
میری کشتی کا نگہباں خود ہی طوفاں ہوگیا
Ghir ke toofaan mein pukaara jab aghisni ya nabi
Meri kashti ka nigehbaan khud hi toofaan ho gaya
جب شبیہِ احمدِ مختار دِکھلائی گئی
نور برسا قبر میں ہر سو چراغاں ہو گیا
Jab shabeeh-e-Ahmad-e-mukhtar dikhai gayi
Noor barasa qabr mein har soo charaghan ho gaya
کام تھا دشوار میرے حق میں روضے کا طواف
یہ تو بس فیضِ تصور تھا کہ آساں ہو گیا
Kaam tha dushwaar mere haq mein rozay ka tawaaf
Yeh to bas faiz-e-tasawwur tha ke aasaan ho gaya
میرے ہونٹوں پر درودوں کا وظیفہ تھا شفیقؔ
غم پریشاں کرنے آیا خود پریشاں ہوگیا
Mere honton par daroodon ka wazifa tha Shafeeq
Gham pareshan karne aaya khud pareshan ho gaya
Share This Naat
Share with friends and family
دل تمہاری دید کا جس دن سے خواہاں ہو گیا
شفیق ؔ رائے پوری