دلِ تپیدہ ہے صحرا تو چشمِ تر دریا
ہے ہجرِ طیبہ میں صحرا کا ہم سفر دریا
Dil-e-tapida hai sehra to chashm-e-tar darya
Hai hijr-e-Tayba mein sehra ka hum safar darya
یہ آج دل کے سبھی بند کیسے ٹُوٹ گئے
کبھی تو آنکھ میں آتا تھا بُوند بھر دریا
Ye aaj dil ke sabhi band kaise toot gaye
Kabhi to aankh mein aata tha boond bhar darya
مِرے وجود کا ایک ایک ذرّہ پیاسا ہے
مِری زمیں سے نہ گُزرے گا بے خبر دریا
Mere wujud ka ek ek zarra piassa hai
Meri zameen se na guzre ga be-khabar darya
سفینے کو غمِ طوفاں نہ خطرۂ گرداب
تری نگاہ نے رکّھا ہے بانّدھ کر دریا
Safeene ko gham-e-toufan na khatra-e-kirdab
Teri nigah ne rakha hai bandh kar darya
گھٹا جو جھُوم کے اُٹھّی تھی کوہِ فاراں سے
بہے ہیں فیض سے اُس کے نگر نگر دریا
Ghata jo jhoom ke uthi thi koh-e-faran se
Bahe hain faiz se us ke nagar nagar darya
نوید ہو تری اُمّت کی خاکِ مُردہ کو
وُہ آگیا تری رحمت کا جوش پر دریا
Naveed ho teri ummat ki khak-e-murdah ko
Wo aa gaya teri rehmat ka josh par darya
ہماری زیست تہی تیرا ہاتھ ابرِ کرم
ہماری کشت بیاباں تری نظر دریا
Hamari zeest tehi tera haath abr-e-karam
Hamari kisht biyaban teri nazar darya
مُجھے مدینے کے آثار جب نظر آئے
تو میری آنکھ سے ٹپکا گہر گہر دریا
Mujhe Madine ke aasaar jab nazar aaye
To meri aankh se tapka gaher gaher darya
رواں ہیں سب مری موجیں اُسی کے ساحل تک
بنا ہے جِس کے کرم سے مرا ہُنر دریا
Rawa hain sab meri maujain usi ke sahil tak
Bana hai jis ke karam se mera hunar darya
یہ ذوقِ نعت بھی عاصی اُسی کی رحمت ہے
ہے میری خاک کے کینوس پہ نقش گر دریا
Ye zauq-e-naat bhi aasi usi ki rehmat hai
Hai meri khak ke kenuas pe naqsh gar darya
Share This Naat
Share with friends and family
دلِ تپیدہ ہے صحرا تو چشمِ تر دریا
عاصی کرنالی