دل و نظر میں بہار آئی سکوں میں ڈھل کر ملال آیا
پروئے تارِ نظر میں انجم جہاں تمہارا خیال آیا
Dil o nazar mein bahar aayi sukun mein dhal kar malal aaya
Paroye taar-e-nazar mein anjum jahan tumhara khayal aaya
نوازشِ بے سبب نے انکی طلب سے پہلے ہی جھولی بھر دی
نہ ہاتھ اٹھے دعا کی خاطر نہ لب پہ کوئی سوال آیا
Nawazish-e-be sabab ne unki talab se pehle hi jholi bhar di
Na hath utte dua ki khatir na lab pe koi sawal aaya
جو عقلِ انساں سے ماوریٰ تھا عیاں تھا لیکن چھپا ہوا تھا
کمالِ حُسنِ محمدؐ ی میں نظر اسی کا جمال آیا
Jo aql-e-insaan se ma'wara tha ayan tha lekin chhupa hua tha
Kamal-e-husn-e-Muhammadﷺ y mein nazar usi ka jamal aaya
رؤف بن کر رحیم بن کر قسیم بن کر کریم بن کر
جہاں میں دُرِّ یتیم بن کر وہ رحمتِ ذوا لجلال آیا
Roof ban kar Rahim ban kar Qasim ban kar Karim ban kar
Jahan mein Durr-e-yateem ban kar woh rehmat-e-zuljalal aaya
ہزاروں گلشن مہک اٹھے ہیں وہاں کے ذرے چمک اٹھے ہیں
وہ راستے سب دمک اٹھے ہیں جہاں وہ صاحب جمال آیا
Hazaroon gulshan mehak utte hain wahan ke zarre chamak utte hain
Woh raste sab damak utte hain jahan woh sahib-e-jamal aaya
ہے فخرِ شا ہانِ ہفت کشور وہ بے نوا ہے بڑا تو نگر
تمہارے بابِ کرم سے لے کر جو دولتِ لازوال آیا
Hai fakhr-e-shahan-e-haft kashwar woh be nawa hai bada to nagar
Tumhare bab-e-karam se le kar jo daulat-e-lazawal aaya
نہ دیکھا ایسا کوئی سوالی کہ جس کی جھولی ملی ہو خالی
نبیِ رحمتؐ کے آستاں سے جو آیا وہ مالا مال آیا
Na dekha aisa koi sawali ke jis ki jholi mili ho khaali
Nabi-e-Rehmatﷺ ke aastan se jo aaya woh mala maal aaya
نزولِ رحمت قدم قدم ہے تمہاری نسبت کا یہ کرم ہے
نہ اشک بہکے نہ آہ نکلی نہ دل میں کوئی ملال آیا
Nuzool-e-rehmat qadam qadam hai tumhari nisbat ka yeh karam hai
Na ashk behke na aah nikli na dil mein koi malal aaya
تڑپ فراقِ نبیؐ میں خالدؔ یہی تڑپ بندگی ہے خالدؔ
زہے مقدر کے تیرے حِصّے میں رنگِ عشقِ بلال آیا
Tarap faraq-e-Nabiﷺ mein Khalid yahi tarap bandagi hai Khalid
Zahe muqaddar ke tere hissay mein rang-e-ishq-e-Bilal aaya
Share This Naat
Share with friends and family
دل و نظر میں بہار آئی سکوں
خالد محمود خالد