دل میں کیا رکھّا ہے اب الفتِ حضرت کے سوا
اُڑ گئے رنگ سبِھی رنگِ حقیقت کے سوا
Dil mein kya rakha hai ab ulfat-e-Hazrat ke siwa
Ur gaye rang sabhi rang-e-haqeeqat ke siwa
حق کو دیکھا ہے خدائی نے جس آئینے میں
کوئی لائے گا کہاں سے تری صُورت کے سوا
Haq ko dekha hai khudai ne jis aine mein
Koi laye ga kahan se teri soorat ke siwa
آستانِ شہِ لولاک سے آگے جا کر
کچھ نہ پایا دلِ مُشتاق نے حیرت کے سوا
Aastan-e-Shah-e-Lolak se aagay ja kar
Kuch na paya dil-e-mushtaq ne hairat ke siwa
نُورِ توحید سے بھٹکے ہُوئے پروانوں کو
کوئی رہبر نہ ملا شمِع رسالت کے سوا
Noor-e-Tauheed se bhatke hue parwano ko
Koi rehbar na mila sham-e-risalat ke siwa
تو سما جائے اِن آنکھوں میں تو آنکھوں کی قَسَم
کوئی صُورت بھی نہ دیکھوں تری صُورت کے سوا
Tu sama jaye in aankhon mein to aankhon ki qasam
Koi soorat bhi na dekhun teri soorat ke siwa
ہیچ ہے دولتِ کُونین نگاہوں میں مری
کوئی مقصُود نہیں تیری محبّت کے سوا
Heech hai dolat-e-kounain nigahon mein meri
Koi maqsood nahi teri mohabbat ke siwa
اعظؔم اُس بار گہِ شاہ میں کیا لے کے چلُوں
میرے دامن میں ہے کیا اشکِ ندامت کے سوا
Azam us bargah-e-shah mein kya le ke chalun
Mere daaman mein hai kya ashk-e-nadamat ke siwa
Share This Naat
Share with friends and family
دل میں کیا رکھّا ہے اب الفتِ حضرت کے سوا
محمد اعظم چشتی