دلِ مضطر میں طیبہ کی بسی ہے آرزو اب تک
اسی امید میں رقصاں رگوں میں ہے لہو اب تک
Dil-e-Muztar mein Taiba ki basi hai aarzoo ab tak
Isi umeed mein raqsaan ragoon mein hai lahoo ab tak
فرامینِ محمدؐ ہیں ہدایت سیدھے رستے کی
ہے صدیوں بعد بھی جاری انہی پر گفتگو اب تک
Farmaan-e-Muhammadﷺ hain hidayat seedhe raste ki
Hai sadiyon baad bhi jari unhi par guftagu ab tak
عمل اپنا تو لایا تھا تباہی کے دہانے پر
کسی کے فیض نے رکھا ہے مجھ کو سرخرو اب تک
Amal apna to laya tha tabahi ke dehane par
Kisi ke faiz ne rakha hai mujh ko surkhru ab tak
گزر ہوتا تھا جن گلیوں سے سرکارِ مدینہ کا
مہک ان کی وہاں پھیلی ہوئی ہے چار سو اب تک
Guzar hota tha jin galiyon se Sarkar-e-Madina ka
Mehak un ki wahan phaili hui hai chaar so ab tak
وہ جن کے ذکرِ عالی کو خدا نے کر دیا اونچا
انہی کے گیت گاتے ہیں عنادل خوش گلو اب تک
Woh jin ke zikr-e-aali ko Khuda ne kar diya ooncha
Unhi ke geet gaate hain anadil khush gulu ab tak
وہ جن ذرّوں نے چومے ہیں تری نعلین کے تلوے
وہ ذرّے ضو فشاں ہیں کہکشاں میں ہو بہو اب تک
Woh jin zarroon ne choome hain teri na'lein ke talwe
Woh zarre zo fasha'n hain kehkashan mein ho bahu ab tak
جو توقیر و شرف بخشا ہے تو نے اپنے حبشی کو
اسی پر رشک کرتے ہیں حسین و خوبرو اب تک
Jo taqeer o sharaf bakhsha hai to ne apne habshi ko
Usi par rashk karte hain hussain o khoobru ab tak
خدا نے آپ کو اخلاق کی دولت عطا کی ہے
نہیں دیکھا کسی نے آپ جیسا نرم خُو اب تک
Khuda ne aap ko ikhlaq ki dolat ata ki hai
Nahin dekha kisi ne aap jaisa narm khoo ab tak
ترے روضے کے جلوے تو خیالوں میں بسے ایسے
کہ ان جلووں سے ہے اپنا تخیّل با وضو اب تک
Tere roza ke jalwe to khiyalon mein base aise
Ke un jalwon se hai apna takhayul ba wazu ab tak
محمدؐ کی محبت ہی جو پہلی شرطِ ایماں ہے
فزوں سے ہے فزوں تر ہی محبت کی نمو اب تک
Muhammadﷺ ki mohabbat hi jo pehli shart-e-imaan hai
Fazoon se hai fazoon tar hi mohabbat ki namo ab tak
مئے عشقِ محمدؐ نے ہے یوں سرشار کر ڈالا
کہ ہیں گردش میں صدیوں سے وہی جام و سبُو اب تک
Mae ishq-e-Muhammadﷺ ne hai yun sarshar kar dala
Ke hain gardish mein sadiyon se wahi jaam o sabu ab tak
ترِے اسمِ گرامی کو بسایا اپنے سینے میں
جلیلِ بے ہنر کی ہے اسی سے آبرو اب تک
Tere ism-e-grami ko basaya apne seene mein
Jaleel-e-be hunar ki hai isi se aabru ab tak
Share This Naat
Share with friends and family
دلِ مضطر میں طیبہ کی بسی ہے
حافظ عبدالجلیل