دیارِ نور میں اک آستاں دکھائی دیا
کفِ زمیں پہ دھرا آسماں دکھائی دیا
Diyar-e-Noor mein ik aastaan dikhai diya
Kaf-e-zameen pe dhara aasman dikhai diya
جناں کا نور تھا خوشبو کے مست جھونکے تھے
دیارِ نور بہ رنگِ جناں دکھائی دیا
Jinaan ka noor tha khushboo ke mast jhonke the
Diyar-e-Noor ba rang-e-jinaan dikhai diya
خجل دکھائی دیئے ماہ و خاور و انجم
جہاں حضور کا تلوا عیاں دکھائی دیا
Khajal dikhai diye maah o khawar o anjum
Jahaan Huzoor ka talwa ayaan dikhai diya
بدن جلانے لگی دھوپ روزِ محشر کی
تو سبز نور بھرا سائباں دکھائی دیا
Badan jalanay lagi dhoop roz-e-mahshar ki
Toh sabz noor bhara saaybaan dikhai diya
وہیں پہ شوکتِ شاہی نے پاؤں چوم لئے
غلامِ شاہِ دو عالم جہاں دکھائی دیا
Wahin pe shaukat-e-shahi ne paon choom liye
Ghulaam-e-Shah-e-do Aalam jahan dikhai diya
درونِ بابِ سلامی برائے تشنہ لباں
عطا و جود کا دریا رواں دکھائی دیا
Daron-e-Baab-e-Salami baraye tishna labaan
Atta o jood ka darya rawaan dikhai diya
حضور آپ کے میلاد کی مسرت ہے
جو رقصِ نور سرِ کہکشاں دکھائی دیا
Huzoor aap ke milaad ki musarrat hai
Jo raqs-e-noor sar-e-kahkashaan dikhai diya
Share This Naat
Share with friends and family
دیارِ نور میں اک آستاں دکھائی دیا
اشفاق احمد غوری