دستِ قدرت نے عجب صورت بنائی آپ کی
وَالہ و شیدا ہوئی ساری خدائی آپ کی
Dast-e-qudrat ne ajab soorat banai aap ki
Walha-o-sheeda hui sari khudai aap ki
آپ پر صدقے نہ کیونکر ہوں حسینانِ جہاں
صانِعِ مُطلَق کو شکلِ پاک بھائی آپ کی
Aap par sadqe na kyonkar hon haseenan-e-jahan
Sani-e-mutlaq ko shakl-e-pak bhai aap ki
آپ محبوبِ خدا کونین کے ُمختار ہیں
جب خدا ہے آپ کا ساری خدائی آپ کی
Aap mehboob-e-Khuda konain ke mukhtar hain
Jab Khuda hai aap ka sari khudai aap ki
بادشاہانِ جہاں کو بھی یہی کہتے سنا
سلطنت دنیا کی چھوڑو لو گدائی آپ کی
Badshahaan-e-jahan ko bhi yehi kehte suna
Saltanat duniya ki chhodo lo gadayi aap ki
نار والے ایک دم میں نور والے ہوگئے
رحمتِ عالم عجب ہے رہنمائی آپ کی
Nar wale ek dam mein noor wale ho gaye
Rehmat-e-aalam ajab hai rehnmai aap ki
ساری مخلوقِ الٰہی آپ کی فرماں پذیر
میں بھی بندہ آپ کا ساری خدائی آپ کی
Sari makhlooq-e-ilahi aap ki farmaan pazeer
Main bhi banda aap ka sari khudai aap ki
اُمتِ عاصی کی بخشش آپ پر موقوف ہے
مخلصی دِلوائے گی مشکل کشائی آپ کی
Ummat-e-asi ki bakhshish aap par mauqoof hai
Mukhlessi dilwaye gi mushkil kushai aap ki
جمع ہوں گے روزِ محشر اَولین و آخرین
سب پہ روشن ہوگی شانِ مصطفائی آپ کی
Jama hon ge roz-e-mahshar awaleen o aakhireen
Sab pe roshan hogi shan-e-Mustafaai aap ki
اب تو بلوا لو مَدینے میں خدا کے واسطے
پارہ پارہ دل کو کرتی ہے جدائی آپ کی
Ab to bulwa lo Madine mein Khuda ke wastay
Para para dil ko karti hai judaai aap ki
یاالٰہی روزِ محشر لب پہ جاری ہو مرے
المدد اے شافِعِ محشر دُہائی آپ کی
Ya ilahi roz-e-mahshar lab pe jari ho mere
Al-madad aye shafi-e-mahshar duhayi aap ki
جمع کرلے توشۂ عقبیٰ جمیلؔ قادری
کام دے گی حشر میں مِدحت سرائی آپ کی
Jama kar le tosha-e-uqba Jameel Qadri
Kaam de gi hashra mein midhat sarai aap ki
Share This Naat
Share with friends and family
دستِ قدرت نے عجب صورت بنائی آپ کی
جمیل الرحمن قادری